Þessi grein birtist upphaflega í Stundinni fyrir meira en 2 árum.

Norska samkeppniseftirlitið samþykkir stærsta samruna í íslensku laxeldi

Sam­keppnis­eft­ir­lit­ið í Nor­egi hef­ur sam­þykkt að lax­eld­is­fyr­ir­tæk­ið Salm­ar, móð­ur­fé­lag Arn­ar­lax á Bíldu­dal, fái að kaupa fyr­ir­tæk­ið NTS, sem er stærsti óbeini hlut­hafi Arctic Fish á Ísa­firði. Salm­ar kynn­ir árs­hluta­upp­gjör í dag þar sem samruna fyr­ir­tækj­anna er lýst. Á sama tíma og Salm­ar fjár­fest­ir í ís­lensku sjókvía­eldi tel­ur fyr­ir­tæk­ið að fram­tíð lax­eld­is liggi í af­l­and­seldi á laxi.

Norska samkeppniseftirlitið samþykkir stærsta samruna í íslensku laxeldi
Stærsti einstaki hagsmunaðilinn Gustav Witzoe, stofnandi og stjórnarformaður Salmar AS, er í dag stærsti hagsmunaðilinn í íslensku laxeldi í gegnum eignarhald sitt á Salmar AS, stærsta hluthafa Arnarlax. Witzoe verður langstærsti hagsmunaðilinn í greininni ef samruni Salmar og NTS gengur eftir.

Norska laxeldisfyrirtækið Salmar AS, eigandi Arnarlax á Bíludal, er einu skrefi nær því að eignast fyrirtækið NTS, stærsta óbeina hluthafa Arctic Fish á Ísafirði, eftir að norska samkeppniseftirlitið veitti samþykki sitt fyrir samrunahugmyndunum um miðjan júlí. Þetta kemur fram í árshlutauppgjöri Salmar AS fyrir 2. ársfjórðung sem kynnt var í dag.  Í uppgjörinu kemur meðal annars fram með hvaða hætti Salmar AS sér fyrir sér að NTS og þau fyrirtæki sem það á renni inn í Salmar. 

Möguleiki á samlegðaráhrifum í rekstri

Ef samruninn gengur eftir er líklegt að Arctic Fish renni einfaldlega inn í Arnarlax og að til verði eitt stórt laxeldisfyrirtæki á Vestfjörðum. Arnarlax er stærsta laxeldisfyrirtæki landsins um þessar mundir og verður langstærst ef Arctic Fish rennur inn í það. Forsvarsmenn Arctic Fish hafa ekki viljað ræða hvort þeim hafi verið tilkynnt um samruna við Arnarlax eða ekki. „No comment,“  sagði einn af stjórnendum fyrirtækisins, Daníel Jakobsson, í svari til Stundarinnar um þetta í júní. 

Arnarlax framleiddi 16 þúsund tonn af eldislaxi í fyrra og Arctic Fish tæplega 11 þúsund. Samanlagt voru þessi fyrirtæki því með tæp 27 þúsund tonn af rúmlega 46 þúsund tonna heildarframleiðslu á eldislaxi á Íslandi árið 2021. 

„Sameinað fyrirtæki verður í fararbroddi í vinnu við háþróuðustu aflandslausnir í heiminum“
Úr kynningu á árshlutauppgjöri Salmar

Í árshlutauppgjörinu segir um þetta að samlegðaráhrifin í rekstri Salmar og NTS sé verulegur. Ekki bara á Íslandi heldur einnig í Norður- og Mið-Noregi sem og í aflandseldi á laxi. „Möguleiki á verulegum samlegðaráhrifum í allri virðiskeðjunni á öllum svæðum.“   

Samruni stærstu laxeldisfyrirtækjannaNorski laxeldisrisinn Salmar verður langstærsti hagsmunaðilinn í íslensku laxeldi ef samruni Salmar og NTS gengur eftir, sem allt útlit er fyrir.

Salmar: Framtíðin er í aflandseldi

Í árshlutauppgjörinu kemur hins vegar fram að Salmar sér framtíð laxeldis í heiminum ekki vera í sjókvíaeldi nálægt ströndum landa eins og Noregs og Íslands heldur í aflandseldi í risastórum kvíum á hafi úti. Salmar er líka að kaupa þróunarverkefni NTS í aflandseldi á laxi, Arctic Offshore Farming.  

Auk samlegðaráhrifanna í sjókvíaeldinu í Noregi og á Íslandi segir að samruninn muni einnig leiða til samlegðaráhrifa í þróun á aflandslausnum. „Sameinað fyrirtæki verður í fararbroddi í vinnu við háþróuðustu aflandslausnir í heiminum.“    

Í fjárfestakynningunni segir að til standi að dótturfélag Salmar, Aker Ocean, framleiði 150 þúsund tonn af eldislaxi á ári í aflandseldi sínu fyrir árið 2030. Þá hefur fyrrverandi stjórnarformaður Salmar, Atle Eide, sagt að hefðbundnar sjókvíar eins og Arnarlax og Arctic Fish nota á Vestfjörðum muni líklega heyra sögunni til árið 2030. „Við munum líklega ekki sjá hefðbundnar, alveg opnar sjókvíar neins staðar árið 2030,“ sagði hann í viðtali við sjávarútvegsblaðið Intrafish um vorið 2021. 

Staðan er því því sú að þrátt fyrir að Salmar fjárfesti mikið í sjókvíaeldi á Íslandi í gegnum Arnarlax, og verði að öllum líkindum eigandi Arctic Fish á Ísafirði áður en langt um líður, þá telur fyrirtækið að framtíð laxeldis liggi ekki í þeim rekstri sem þessi fyrirtæki stunda heldur í aflandseldi á laxi. 

Kjósa
0
Hvernig finnst þér þessi grein? Skráðu þig inn til að kjósa.

Athugasemdir (1)

Skráðu þig inn til að skrifa athugasemd eða kjósa.
  • Jóhanna Harðardóttir skrifaði
    Norðmenn líta á Ísland eins og ruslakistuna sína. Koma hingað með skítinn sem landar þeirra vilja ekki s.s. Fiskeldi í sjó og vindmyllur á landi.
    0
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Laxeldi

Umdeilt frumvarp matvælaráðherra um lagareldi bíður líklega næsta þings
FréttirLaxeldi

Um­deilt frum­varp mat­væla­ráð­herra um lagar­eldi bíð­ur lík­lega næsta þings

Gísli Rafn Ólafs­son, þing­mað­ur Pírata og vara­formað­ur at­vinnu­vega­nefnd­ar, seg­ir að enn sé ver­ið að ræða við hags­mun­að­ila út af lagar­eld­is­frum­varp­inu. Hann seg­ir lík­legra en ekki að frum­varp­ið bíði næsta þings. Frum­varp­ið er um­deilt og hafa mat­væla­ráð­herr­ar Vinstri grænna ver­ið gagn­rýnd­ir fyr­ir það.
Búið að ráða nýjan mann í starfið hjá MAST eftir innanhúsátök
FréttirLaxeldi

Bú­ið að ráða nýj­an mann í starf­ið hjá MAST eft­ir inn­an­húsátök

Mat­væla­stofn­un hef­ur ákveð­ið að Eg­ill Stein­gríms­son dýra­lækn­ir verði nýr sviðs­stjóri yf­ir með­al ann­ars lax­eldi hjá stofn­un­inni. Átök urðu inn­an­húss hjá stofn­un­inni eft­ir að Þor­leif­ur Ág­ústs­son var ráð­inn í starf­ið en hann hafði með­al ann­ars skrif­að grein­ar þar sem hann lýsti yf­ir stuðn­ingi við sjókvía­eldi sem at­vinnu­grein.
SFS gagnrýnir breytingu á gjafakvóta í laxeldi og talar um hann eins og eign
FréttirLaxeldi

SFS gagn­rýn­ir breyt­ingu á gjafa­kvóta í lax­eldi og tal­ar um hann eins og eign

Sam­tök fyr­ir­tækja í sjáv­ar­út­vegi hafa skil­að gagn­rýnni um­sögn um laga­frum­varp mat­væla­ráð­herra um lagar­eldi. Einn af rauðu þráð­un­um hjá SFS er að rekstr­ar­leyf­in í grein­inni séu eign lax­eld­is­fyr­ir­tækj­anna og að ef breyta eigi hug­mynd­inni um ótíma­bund­in leyfi í frum­varp­inu þurfi að draga úr og milda margt ann­að í því.

Mest lesið

Júlía Margrét Alexandersdóttir
5
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið

Mest lesið í vikunni

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár