Fyrri aukaspurning:

Hvað heitir fjallið á myndinni hér að ofan?

***

Aðalspurningar:

1.  Teiknimyndasöguönd heitir — á ensku — Fauntleroy að millinafni sem vissulega er afar sjaldan notað. Hvað heitir öndin að öðru leyti?

2.  Monte Carlo heitir hérað og þó öllu heldur hverfi í ríki einu. Hvaða ríki er það?

3.  Fisktegund nokkur er eftirsótt mjög um víða veröld. Sú undirtegund hennar sem við hér á landi þekkjum ber latneska fræðiheitið Salmo salar. En hvað er íslenskt heiti þess fisks?

4.  Úr hvaða stöðuvatni á Íslandi fellur Sogið?

5.  Guðrún Aspelund var nýlega ráðin í starf sem lengst af var ekki sérlega ofarlega í umræðunni, þótt á því hafi orðið breyting síðustu árin. Hvaða starf er það?

6.  Hvað heitir hafnarhverfið í Edinborg, sem fyrrum var oft talað um sem sérstaka hafnarborg?

7.  Hvaða fótboltalið hefur oftast orðið Spánarmeistari í fótbolta karla?

8.  Hvaða fugl sem það oft er kallaður veiðibjalla?

9.  Hvað hét sá landnámsmaður sem nam land á Vestfjörðum og Bergsveinn Birgisson fræðimaður og skáld hefur skrifað mikið um, bæði fræðiritið Leitin að svarta víkingnum og skáldverk?

10.  Þessi landnámsmaður átti tvíburabróður sem nam land við Eyjafjörð. Hvað hét hann?

***

Seinni aukaspurning:

Þessi mynd var tekin 1925. Karlinn og konan voru bæði heimsfræg á (nokkurn veginn) sama sviði. Hvað hétu þau? Hafa þarf bæði nöfnin rétt.

***

Svör við aðalspurningum:

1.  Andrés Önd

2.  Monaco.

3.  Lax.

4.  Þingvallavatni.

5.  Sóttvarnarlæknir.

6.  Leith.

7.  Real Madrid.

8.  Svartbakur.

9.  Geirmundur heljarskinn.

10.  Hámundur.

***

Svör við aukaspurningum:

Á efri myndinni er Herðubreið. RAX tók myndina.

Á neðri myndinni ræðast þau við vísindamennirnir Albert Einstein og Maria Sklodowska Curie. Marie Curie er alveg nóg.