Nið­ur­stöður rann­sóknar á því hvort börn hafi verið beitt ofbeldi eða illri með­ferð á með­ferð­ar­heim­il­inu Lauga­landi, áður Varp­holti, verður ekki kynnt ráð­herrum á morgun eins og til stóð. Skýrsla nefndar sem falið var að rann­saka starf­semi með­ferð­ar­heim­il­is­ins er enn til með­ferðar hjá Gæða- og eft­ir­lits­stofnun vel­ferð­ar­mála, þrátt fyrir að henni hafi verið skilað fyrir um mán­uði síðan.

Til stóð að kynna nið­ur­stöður skýrsl­unnar fyrir félags- og vinnu­mark­aðs­ráð­herra og mennta- og barna­mála­ráð­herra á sam­eig­in­legum fundi á morgun en þó hafði sá fund­ar­tími ekki verið stað­festur að fullu. Nú er orðið ljóst að af þeim fundi verður ekki. Ástæðan mun vera sú að Gæða- og eft­ir­lits­stofnun vel­ferð­ar­mála hefur enn ekki lokið yfir­ferð sinni yfir skýrsl­una. Samkvæmt upp­lýs­ingum Stund­ar­innar er verið að rýna skýrsl­una, meðal ann­ars út frá per­sónu­vernd­ar­sjón­ar­miðum.

Ekki hefur verið fast­settur nýr fund­ar­tími til að kynna skýrsl­una í ráðu­neyt­unum. Heim­ildir Stund­ar­innar herma að óþol­in­mæði sé farið að gæta þeim megin en á móti hafi félags­mála­ráðu­neytið, sem Gæða- og vel­ferð­ar­stofnun heyrir undir, ekki boð­vald yfir stofn­un­inni í efnum sem þessum og vilji ekki skipta sér af skilum á skýrsl­unni þó æski­legt væri að þau yrðu sem fyrst enda sum­ar­frí framundan.

Upp­haf­lega stóð til að skýrsl­unni yrði skilað um síð­ustu ára­mót. Þegar ekki varð af því var þeim skilum frestað til mars mán­aðar og síðan til loka apr­íl­mán­aðar. Skýrsl­unni sjálfri var skilað af hálfu rann­sókn­ar­nefnd­ar­innar um síð­ustu mán­aða­mót. Stundin óskaði svara um hvenær til stæði að gefa skýrsl­una út og hvað ylli hinum miklu töfum á þeirri útgáfu með tölvu­pósti 28. júní til Gæða- og eft­ir­lits­nefndar. Ekki hafði borist svar við póst­inum þegar fréttin var birt.