Fyrri aukaspurning:

Þetta er ein vinsælasta söngkona heimsins um þessar mundir. Hún ber ættarnöfnin Mebarak Ripoll en er kunn undir skírnarnafni sínu. Og það er ...?

***

Aðalspurningar:

1.  Hvaða jólasveinn kemur næstfyrstur til byggða?

2.  Hver var eina konan sem var í hinum upprunalega Fóstbræðrahópi í sjónvarpinu?

3.  Hvaða stórhýsi er við Hverfisgötu 19 í Reykjavík?

4.  Hvað heitir bóknámsframhaldsskólinn í Hafnarfirði?

5.  Í hvaða haf fellur Dóná?

6.  Nafn hafnarborgar einnar þýðir Ilmhöfn. Ekki er ljóst hvort „ilmurinn“ var hressandi sjávarlykt sem barst þeim sem komu siglandi niður fljót að mynni þess, eða hvort merkingin vísar til reykelsisverksmiðja sem þar voru staðsettar eftir að byggð fór að vaxa. En undir hvaða nafni er Ilmhöfn þekkt um víða veröld?

7.  Hvaða heita bræðurnir sem voru til skamms tíma meðal meðlima hljómsveitarinnar Retro Stefson? Skírnarnöfn þeirra nægja.

8.  Charlie Watts var lengi trommuleikari í heimsþekktri hljómsveit. Hvaða hljómsveit?

9.  Hvaða kvennahljómsveit hefur verið rússneskum yfirvöldum nokkuð óþægur ljár í þúfu síðasta áratuginn?

10.  Á Vestfjörðum snýr fjöldi fjarða í vestur í átt að Grænlandi. Þar á meðal eru þessir — í stafrófsröð — Arnarfjörður, Súgandafjörður, Tálknafjörður, Önundarfjörður. Raðið þeim upp í rétta röð frá norðri til suðurs. Hafa verður allt rétt til að fá stig.

***

Seinni aukaspurning:

Þetta eru húsin númer 96 og 98 við St.Mark's Place á Manhattan í New York. Þessi hús prýddu plötuumslag hjá frægri hljómsveit árið 1975. Hvaða hljómsveit var það?

***

Svör við aðalspurningum:

1.  Giljagaur.

2.  Helga Braga.

3.  Þjóðleikhúsið.

4.  Flensborg.

5.  Svartahaf.

6.  Hong Kong.

7.  Unnsteinn og Logi Pedro.

8.  Rolling Stones.

9.  Pussy Riot.

10.  Súgandafjörður, Önundarfjörður, Arnarfjörður, Tálknafjörður.

***

Svör við aukaspurningum:

Söngkonan er Shakira.

Hljómsveitin er Led Zeppelin. Hér má sjá umslag plötunnar Physical Graffiti.