Pistill
Þessi grein birtist upphaflega í Stundinni fyrir meira en 2 árum.

Jón Trausti Reynisson

Kominn tími til að opna augun

Jón Trausti Reynisson

Lýð­ræð­is­ríki standa frammi fyr­ir banda­lagi ein­ræð­is- og al­ræð­is­ríkj­anna Rúss­lands og Kína sem snýst um að skapa oln­boga­rými fyr­ir of­beldi. Á sama tíma og Kína af­neit­ar til­vist stríðs er Ís­land með fríversl­un­ar­samn­ing við land­ið.

Kominn tími til að opna augun
Börn á flótta undan innrásinni Börn í lest á leið frá Lviv í vesturhluta Úkraínu að Uzhorod nærri landamærunum að Slóvakíu, fyrr í mánuðinum. Samkvæmt eftirliti Mannréttindaráðs Sameinuðu þjóðanna höfðu 564 almennir borgarar látist í innrás Rússa 11. mars, þar af 41 barn. Alls eru 982 almennir borgarar særðir, þar af 62 börn. Mannréttindaráðið segir þó að mun fleiri séu líklega látnir. Mynd: Daniel LEAL / AFP

Eftir augljósa innrás í 45 milljóna manna Evrópuland, byggða á greinilegum lygum, sem risaríki afneita, hafa Íslendingar lengst til vinstri og hægri tekið undir sjónarmið einræðisherrans Pútíns. „Við hljótum líka að spyrja um ábyrgðina á stríði í Úkraínu, og ég hneigist til að telja hana mun meiri vestan frá en austan, eins og hér hefur komið fram. Það hefur heldur ekki breyst hvaðan mesta ógnin við heiminn stafar, því hún kemur ekki frá Rússlandi,“ skrifar Þórarinn Hjartarson á vef Ögmundar Jónassonar.

Þessari söguskýringu íslenskra vinstrimanna er meðal annars deilt af fyrrverandi framkvæmdastjóra Eflingar, Viðari Þorsteinssyni, sem segir þetta að þetta sé „virkilega vönduð og fróðleg grein“, „betra að gæðum en margt það sem deilt er þessi dægrin“.

Þannig líta þessir tilteknu vinstri menn ekki á uppgang einræðisherra sem helstu ógnina við heiminn, og það sem meira er, líta svo á að heimsmálin hverfist nánast eingöngu um valdatafl stórvelda. Vandamálið við þá túlkun er að alþjóðalög, sjálfræði ríkja og hömlur á valdbeitingu stórvelda, eru allt uppfinningar manna. Þetta þarf ekki að vera til nema því sé framfylgt og þegar nógu margir fallast á að hið hreina vald en ekki hagsmunir allra eigi að ráða, fellur þessi uppfinning um sig sjálfa. 

Eftir innrás Rússa í Úkraínu skýrðist stóra myndin. Hún á sér sögulega hliðstæðu og Ísland fellur óumflýjanlega innan þeirrar myndar, jafnvel þótt við viljum vera valkvætt hluti af umheiminum eftir því hvernig okkur hentar.

Vináttusamningur fyrir innrás sem hvorki er stríð né innrás

Síðsumars 1939 náðu Sovétmenn og Þjóðverjar, Stalín og Hitler, saman um að skapa hvor öðrum olnbogarými. Með svokölluðum Molotov-Ribbentrop-samningi, nefndum eftir utanríkisráðherrum landanna, skuldbundu þeir sig til að láta hvor annan í friði og það sem var mikilvægara, skipta Póllandi á milli sín. Samningurinn var undirritaður 23. ágúst og 1. september réðust nasistar Hitlers inn í Pólland - eftir að hafa búið til falska árás (e. false flag) Pólverja á Þýskaland. 

Í byrjun febrúar 2022 hittust forsetar Rússlands og Kína á fundi. Síðar hefur verið sagt frá því í fréttum New York Times, höfðum eftir leyniþjónustunni, að Xi Jinping Kínaforseti hafi þar beðið Vladimír Pútín um að bíða með innrás í Úkraínu þar til Ólympíuleikarnir í Beijing yrðu afstaðnir. Hann þrætir fyrir það, en hann þrætir líka fyrir augljósar staðreyndir um að það sé innrás í Úkraínu. Hvað sem raunverulega fór fram þar varð söguleg breyting á afstöðu Kínverja eftir fundinn. Þeir innsigluðu „takmarkalausan“ vinskap við Rússa og um leið tóku Kínverjar í fyrsta sinn undir gagnrýni Rússa á útþenslustefnu NATÓ, þá stefnu sem sannreynanlega hefur legið í því að smáríki í Evrópu hafa sóst eftir því að ganga í NATÓ af ótta við yfirgang Rússlands Pútíns.

Kjósa
0
Hvernig finnst þér þessi grein? Skráðu þig inn til að kjósa.
Efnisorð

Athugasemdir (5)

Skráðu þig inn til að skrifa athugasemd eða kjósa.
  • Arinbjörn Kúld skrifaði
    13. mars 2022 17:04
    Homo Sapiens lærir ekkert af sögunni. Hún bara endurtekur sig og í þetta sinn þurrkar þessi tegund sig sjálfa út.
    0
  • SVS
    Stefán Valdemar Snævarr skrifaði
    12. mars 2022 15:41
    Mjög góður pistill. Ég vona að Þórarinn Hjartarsson, vinstrisósíalisti, sé stoltur af því að vera samherji hægriöfgamanna í Úkraínumálinu. Honum er bara hægt að vorkenna.
    2
  • Guðjón Guðvarðarson skrifaði
    11. mars 2022 23:46
    Skráður inn, en get ekki lesið?
    0
  • Sigurður Þórarinsson skrifaði
    11. mars 2022 23:14
    Mikið er hr. Jón Trausti sniðugur í þessari langloku sinni hér að nota sömu orðræðu sjálfur og þeir sem hann þykist vera að gagnrýna. Hann réttlætir ólögmætar hernaðaraðgerðir Bandaríkja í Írak og ber blak af hernaðinum í Líbíu, en að sama skapi fordæmir hann réttilega ólögmætar hernaðaraðgerðir Rússa í Úkraínu. Á mannamáli:

    https ://scheerpost. com/2022/03/07/chris-hedges-worthy-and-unworthy-victims/

    https ://fair. org/home/calling-russias-attack-unprovoked-lets-us-off-the-hook/

    Svo segir hann að uppgangur nýnasískra afla í Úkraínu sé ,,rússnesk lygi." Já já, einmitt:

    https://www. bbc. com/news/world-europe-30414955

    En ef það er eitthvað sem þessar ólögmætu hernaðaraðgerðir Rússaveldis í Úkraínu hafa afhjúpað, þá er það hinn skefjalausi tvískinningur og hræsni ,,siðaðra" vesturvelda sem undirritaður hefur raunar kvartað og kveinað yfir hér í athugasemdum netmiðla árum saman; it is only a crime when they do it (lesist þeir ,,ósiðuðu"), not when we do it (lesist þeir ,,siðuðu"):

    https://www. middleeasteye. net/opinion/russia-ukraine-war-west-redemption-iraq

    Að lokum hefur aldrei verið ,,rótgróið lýðræði" í Hong Kong... hvorki undir keisara, Bretaveldi né Kommúnista. Það veit hr. Jón Trausti fullvel. Og veit eflaust einnig að Taivan hefur ávallt verið óaðskiljanlegur hluti af meginlandi Kínaveldis allar götur síðan að Kuomintang flúðu þangað sneyptir og snauðir eftir borgarastríðið árið 1949 og kölluðu eyjuna ,,lýðveldið Kína." Nóg um það. Kv
    -1
  • VG
    Viðar Guðmundsson skrifaði
    11. mars 2022 21:09
    Takk, það er einmitt samþjöppun valds á "næstum guðlega einstaklinga" í þessum tveimur einræðisríkjum, Rússlandi og Kína, sem hefur verið skelfileg að horfa upp á undanfarin ár. Dæmin úr sögunni sýna að slíkt endar venjulega illa. Okkur er vissara að berjast stöðugt fyrir okkar brotahætta, en mikilvæga lýðræði hvar sem færi gefst innan og utan lands. Fyrir smáþjóð verður það að gerast með öðrum lýðræðisþjóðum í samtökum.
    11
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Úkraínustríðið

Var dæmdur til dauða fyrir hryðjuverk
ViðtalÚkraínustríðið

Var dæmd­ur til dauða fyr­ir hryðju­verk

Bret­inn Shaun Pinner var ný­kom­inn úr löngu sam­bandi og fann fyr­ir lífs­kreppu sem marg­ir á miðj­um aldri upp­lifa. Hans lausn við henni var að fara til Úkraínu og þjálfa her­menn. Pinner var hand­tek­inn, stung­inn og pynt­að­ur af Rúss­um en var svo hluti af stór­um fanga­skipt­um sem áttu sér stað milli stríð­andi fylk­inga í sept­em­ber 2022. Ósk­ar Hall­gríms­son ræddi við Pinner.

Nýtt efni

Telur í mesta lagi tvö gos eftir í Sundhnúksgígaröðinni – í bili
Fréttir

Tel­ur í mesta lagi tvö gos eft­ir í Sund­hnúks­gígaröð­inni – í bili

Þor­vald­ur Þórð­ar­son eld­fjalla­fræð­ing­ur tel­ur að ekki sé mik­ið eft­ir af þeim elds­um­brot­um sem hafa ver­ið í Sund­hnúkagígaröð­inni á þessu ári. „Ég held að ef þessi um­brot stoppa á Sund­hnúk­arein­inni þá fá­um við pásu í dá­góð­an tíma. Alla­vega það lang­an að við þurf­um ekki að hafa áhyggj­ur af því í okk­ar líf­tíma.“
Salka Valka í Bíó Paradís „Ósigur Halldórs í Hollywood varð sigur íslenskra bókmennta“
Menning

Salka Valka í Bíó Para­dís „Ósig­ur Hall­dórs í Hollywood varð sig­ur ís­lenskra bók­mennta“

,,Kvik­mynd­in Salka Valka verð­ur sýnd í Bíó Para­dís 9. des­em­ber kl. 15:00. Upp­runa­lega hafði Hall­dór Lax­ness í hyggju að sag­an af Sölku Völku, sem kom út í tveim­ur hlut­um 1931–32, yrði gerð að Hollywood-kvik­mynd,‘‘ skrif­ar Flóki Lar­sen, sem ræð­ir um mynd­ina við Gunn­ar Tóm­as Kristó­fers­son, sér­fræð­ing rann­sókna á Kvik­mynda­safn­inu.
Festist ekki í hrútleiðinlegu fullorðinsskapalóni
Anna Lára Pálsdóttir
Það sem ég hef lært

Anna Lára Pálsdóttir

Fest­ist ekki í hrút­leið­in­legu full­orð­ins­skap­alóni

Í fimm­tugsaf­mæl­inu sínu bauð Anna Lára Páls­dótt­ir, sér­fræð­ing­ur í ráð­gjöf og stuðn­ingi hjá Mið­stöð mennt­un­ar og skóla­þjón­ustu, gest­um í Fram, fram fylk­ing, rólu­stökk og sápu­kúlu­blást­ur. Hún hef­ur nefni­lega lært svo ótalmargt af nem­end­um sín­um, til dæm­is að fest­ast ekki í ein­hverju hrút­leið­in­legu full­orð­ins­skap­alóni.
Var Almar „í kassanum“ kannski sofandi allan tímann?
Menning

Var Alm­ar „í kass­an­um“ kannski sof­andi all­an tím­ann?

Alm­ar Steinn Atla­son, bet­ur þekkt­ur sem „Alm­ar í kass­an­um“ velt­ir því fyr­ir sér hvort hann hafi kannski ver­ið sof­andi all­an tím­ann á með­an hann las fyrstu skáld­sögu sína upp­hátt í beinu streymi í vik­unni, sem tók tæp­an sól­ar­hring. „Hugs­an­irn­ar og bók­in verða eitt á ein­hverj­um tíma­punkti og hvort mað­ur haldi áfram með­vit­und­ar­laus að lesa í leiðslu, mér finnst það ekki ósenni­legt. Ég hafði í raun ver­ið sof­andi all­an tím­ann?“
Mataræði er vanræktur þáttur í svefnvanda
Viðtal

Mataræði er van­rækt­ur þátt­ur í svefn­vanda

Góð­ur svefn er seint of­met­inn en vanda­mál tengd svefni eru al­geng á Vest­ur­lönd­um. Tal­ið er að um 30 pró­sent Ís­lend­inga sofi of lít­ið og fái ekki end­ur­nær­andi svefn. Ónóg­ur svefn hef­ur áhrif á dag­legt líf fólks og lífs­gæði. Svefn er flók­ið fyr­ir­bæri og margt sem get­ur haft áhrif á gæði hans, má þar nefna lík­am­lega og and­lega sjúk­dóma, breyt­inga­skeið, álag, kvíða, skort á hreyf­ingu og áhrif sam­fé­lags­miðla á svefn­gæði. Áhrif nær­ing­ar og neyslu ákveð­inna fæðu­teg­unda á svefn hafa hins veg­ar ekki vak­ið at­hygli þar til ný­lega.

Mest lesið undanfarið ár