Fyrri aukaspurning:

Úr hvaða kvikmynd er myndin hér að ofan (hún er reyndar samsett)?

***

Aðalspurningar:

1.  Marvin Lee Aday heitir söngvari einn en er reyndar fyrst og fremst þekktur undir listamannsnafni sínu, en það þykir reyndar ekki sérlega listrænt. Aday tengist leðurblökum, sem voru svo illskeyttar að þær þóttu komnar beina leið frá kölska sjálfum, en að paradís leitaði hann hins vegar við föla skímu mælaborðsins. Hvað er listamannsnafn hans?

2.  Gryffindor. Hufflepuff. Ravenclaw. Slytherin. Hvað er þetta?

3.  Mark Drakeford heitir forsætisráðherra í Evrópulandi einu. Hann tók við embætti sínu af Carwyn Jones fyrir þremur árum síðan. Sennilega er Drakeford ekki ýkja þekktur á alþjóðlegum vettvangi, enda er landið sem hann stýrir ekki að fullu sjálfstætt — þótt það njóti ákveðinnar sjálfstjórnar innan stærra ríkis. Hvar er Drakeford forsætisráðherra?

4.  Hvaða fyrirbæri er NASA? — og það er ekki átt við tónleikastað við Austurvöll!

5.  Í september árið 2020 varð Mohamed Hussein Roble verkfræðingur forsætisráðherra í ríki einu í Afríku. Hann gegnir starfinu enn, þótt hann eigi í vaxandi deilum við forseta landsins. Það merkilega var að hann er sænskur ríkisborgari en hann yfirgaf land sitt árið 1992 þegar ógurlegar róstur hófust í landinu og stóðu í rúman áratug. Hussein Roble varð ríkisborgari í Svíþjóð 1997 og er það enn. Þegar friðsamlegra varð í heimalandi hans sneri hann þó þangað aftur. Landið er ... ?

6.  Hver leikur leikskólastjórann í Verbúðinni?

7.  Hvað nefndist keisaraynja sú sem stýrði Rússlandi 1762 til dauðadags 1796?

8.  Kona ein er nú tæplega sextug en var á sínum tíma rómaðasta hlaupakona Íslands í hinum lengri vegalengdum og keppti í Maraþonhlaupi á ólympíuleikunum árið 2000. Upp á síðkastið hefur hún látið nokkuð að sér kveða í andófi gegn Covid-bólusetningum barna. Hvað heitir hún?

9.  Þegar karlmenn eru heiðraðir á Bretlandi eru þeir útnefndir „sir“. Konur sem fá samskonar viðurkenningu eru nefndar “dame“ eða „dömur“. Hvaða breski rithöfundur var útnefnd dama árið 1971 eftir langan og gifturíkan feril við skriftir?

10.  Gunnhildur Fríða Hallgrímsdóttir settist á þing sem varamaður rétt fyrir áramót. Hún er 19 ára og yngst allra sem hafa sest á Alþingi. Fyrir hvaða flokk er hún á þingi?

***

Seinni aukaspurning:

Hver er karlinn til vinstri á myndinni?

***

Svör við aðalspurningum:

1.  Meat Loaf.

2.  Heimavistir við skóla Harry Potters.

3.  Í Veils.

4.  Geimferðastofnun Bandaríkjanna.

5.  Sómalía.

6.  Unnur Ösp.

7.  Katrín.

8.  Martha Ernstsdóttir.

9.  Agatha Christie.

10.  Pírata.

***

Svör við aukaspurningum:

Efri myndin á að minna á kvikmyndina Guðföðurinn 3. Talan 3 verður að vera rétt!

Á neðri myndinni heilsar Dönitz flotaforingi upp á Hitler rétt fyrir stríðslok 1945.