Fyrri aukaspurning:

Hver er konan á myndinni hér að ofan?

***

Aðalspurningar:

1.  Hvað hét klúbbur sá í Liverpool-borg þar sem Bítlarnir spiluðu gjarnan á sínum fyrstu árum?

2.  En í hvaða borg utan Bretlands léku þeir líka gjarnan og sungu þau árin?

3.  Napster hét tæknifyrirtæki eitt sem var mjög í sviðsljósinu á fyrsta áratug aldarinnar og var á sinn hátt brautryðjandi. Um hvað snerist starfsemi Napster?

4.  Christy nokkur Turlington heldur í dag upp á 53 ára afmælið. Hún er fædd í Bandaríkjunum og var á sínum tíma í fremstu röð í heiminum sem ... hvað?

5.  Sonia Zorilla var auðug kona sem lést árið 2002. Á hverju auðgaðist hún helst?

6.  Hversu margar eru nóturnar á venjulegu píanóborði, bæði þær svörtu og hvítu? Hér má skeika átta nótum til eða frá.

7.  Hvað er óvenjulegt við kettina á eyjunni Mön?

8.  Í hvaða hafi er annars þessi eyja með hina óvenjulegu ketti?

9.  Heimsmeistaramót karla í fótbolta verður haldið á árinu sem nú er nýhafið. Hvar?

10.  En hvar var síðasta mót haldið?

***

Seinni aukaspurning:

Hvað heita dýrin á myndinni hér að neðan?

***

Svör við aðalspurningum:

1.  Cavern.

2.  Hamborg.

3.  Tónlist.

4.  Fyrirsæta.

5.  Fjárfestingum, hlutabréfaviðskiptum.

6.  Nóturnar eru 88 svo rétt er allt frá 80 til 96.

7.  Þeir eru rófulausir.

8.  Írlandshafi.

9.  Katar.

10.  Rússlandi.

***

Svör við aukaspurningum:

Á efri myndinni er Beyonce.

Á neðri myndinni eru náhvalir.