Fyrri aukaspurning er um eitt af afmælisbörnum dagsins sem prýðir myndina hér að ofan. Þetta er ekki Jesú, heldur fæddist hann 24. desember 1974 og heitir ...?

***

Aðalspurningar:

1.  Þann 24. desember 1871 var ein af frægustu óperum óperusögunnar frumflutt í Kæró í Egiftalandi. Hvað skyldi hún hafa heitið?

2.  Þann 24. desember 1956 komu hingað til lands um 50 flóttamenn frá ákveðnu landi, þar sem stríðsástand hafði geisað tæpum tveim mánuðum fyrr. Hvaða land var það?

3.  Á aðfangadagskvöld árið 1613 fórust hins vegar 50 manns eða þar um bil í snjóflóði í firði einum á Íslandi en þar var fólk á leið til kirkju út á nes eitt. Hver var fjörðurinn?

4.  Á þessum degi árið 1818 var frumflutt lag eftir þýska tónlistarkennarann Franz Gruber í bænum Oberndorf í Austurríki. Hvað köllum við þetta lag?

5.  Þann 24. desember 1951 fékk land eitt sjálfstæði en hafði lengi verið undir evrópskt nýlenduveldi sett. Ídris 1. var lýstur konungur hins nýja lands og ríkti hann allt til 1969 þegar herforingjar undir stjórn ofursta eins steyptu kónginum af stóli. Ofurstinn var svo við völd í rúm 40 ár en var þá sjálfum steypt af stóli. Hvaða land er þetta?

6.  24. desember 1968 unnu þrír geimfarar í bandaríska geimfarinu Apollo 8. afrek sem aldrei hafði verið unnið áður. Þeir hétu Borman, Lovell og Anders. Hvað gerði Apollo 8. á þessum degi?

7.  Á aðfangadag árið 2008 andaðist á Bretlandi leikritahöfundur sem hlotið hafði Nóbelsverðlaunin í bókmenntum fáeinum árum fyrr. Hann var mest í sviðsljósinu um og upp úr 1970. Mörg leikrita hans hafa verið sýnd á Íslandi, svo sem Afmælisveislan, Heimkoman o.fl. Hvað hét þessi sálugi leikritahöfundur?

8.  Ilham Aliev heldur í dag upp á sjötugsafmælið sitt. Hann hefur frá 2003 verið forseti í einu hinna fyrrverandi Sovétlýðvelda og þykir harðstjóri heilmikill. Nýlega stóð hann í stríði við nágrannaríki. En í hvaða landi er hann forseti?

9.  Á þessum degi árið 1166 fæddist Jón nokkur eða Jóhann sem varð konungur Englands árið 1199 þegar bróðir hans Ríkarður ljónshjarta dó. Jón eða Jóhann er frægastur fyrir að hafa verið neyddur til þess af lénsherrum sínum að skrifa undir plaggið Magna Charta. En hvert var viðurnefni konungs þessa? 

10.  Síðasti jólasveinninn kemurgefa  til byggða í dag. Hér er röð hinn þrettán klassísku jólasveina: Stekkjastaur, Giljagaur, Stúfur, Þvörusleikir, Pottasleikir, Askasleikir, Hurðaskellir, Bjúgnakrækir, Gluggagægir, Gáttaþefur, Ketkrókur og Kertasníkir. En þetta voru reyndar aðeins tólf. Hvern vantar?

***

Seinni aukaspurning:

Á aðfangadag árið 1979 hófst ákveðin hernaðaraðgerð sem hér að neðan sést mynd frá. Myndin virðist til kynna að allt farið fram með friði og spekt en það var nú eitthvað annað. Þarna hófst atburðarás sem umheimurinn hefur enn ekki sopið seyðið af, né löndin sem aðgerðin snerti beinlínis. Hvaða tvö ríki komu við sögu aðgerðarinnar 24. desember 1979.

***

Svör við aðalspurningum:

1.  Aída.

2.  Ungverjaland.

3.  Siglufjörður.

4.  Heims um ból.

5.  Líbýa.

6.  Fór á braut um tunglið.

7.  Pinter.

8.  Aserbædjan.

9.  Landlausi.

10.  Skyrgámur — eða Skyrjarmur.

***

Svör við aukaspurningum:

Á efri myndinni er Ryan Seacrest sem lengi stýrði American Idol.

Neðri myndin er frá innrás Sovétríkjanna í Afganistan.