„Bókin Stór­fiskur er um íslenskan hönnuð sem fær verk­efni sem hann ræður illa við,“ segir rit­höf­und­ur­inn Friðgeir Ein­ars­son. Verk­efnið er að hanna merki fyrir íslenskt sjáv­ar­út­vegs­fyr­ir­tæki. Fyr­ir­tæki sem er mjög umdeilt af því að fram­leiðslan þeirra er hval­kjöt.

Hvaða gildi leggjum við í vinnu?

„Hann þarf að finna út úr því hvað sé best að gera fyrir þetta fyr­ir­tæki. Samhliða þeirri tog­streitu er hann að kljást við veik­indi sem hrjá hann og koma í veg fyrir að hann geti unnið almenni­lega, þau leggj­ast aðal­lega á hend­urnar á honum.“ 

Sem er erfitt fyrir mann sem hefur starfa sinn af því að teikna og vinna í tölvu. Tveimur mjög ólíkum atvinnu­greinum er stefnt saman í bók­inni, en bókin fjallar öðrum þræði um vinnu. „Hvaða gildi við leggjum í vinnu og hvernig okkur hættir til að skil­greina líf okkar út frá vinnu­stundum og skil­greinum hver við erum út frá því …