Fyrri aukaspurning:

Í hvaða styrjöld var ljósmyndin hér að ofan tekin?

***

Aðalspurningar:

1.  Vjatséslav Molotov hét maður nokkur sem andaðist 96 ára árið 1986. Hver var hans starfi lengst af?

2.  Víðfrægur kokkteill er kenndur við Molotov. Hver er aðal vökvinn í honum?

3.  Smáríkið San Marino er umkringt öðru stærra ríki á alla vegu. Hvaða ríki er það? 

4.  En hvað heitir höfuðborgin í San Marino?

5.  Hverjir reistu sér byggðir og bú í blómguðu dalanna skauti; ukust að íþrótt og frægð, undu svo glaðir við sitt?

6.  Hver leikur leiðtoga „Stórfjölskyldunnar“ í þriðju seríu af Ófærð sem nú er í gangi?

7.  Í vinsælum sjónvarpsseríum þessi misserin segir frá Roy-fjölskyldunni og bægslagangi hennar við að reka fjölmiðlafyrirtæki sitt. Hvað heita þættirnir?

8.  Hvaða dýr ber latneska fræðiheitið felis catus?

9.  Ragnhildur Helgadóttir varð önnur konan á Íslandi til að gegna ráðherraembætti. Það var árið 1983. Í hvaða stjórnmálaflokki var Ragnhildur?

10.  Tveir þingmenn á Alþingi Íslendinga eru nafnar — það er, heita sömu tveimur skírnarnöfnunum, þótt föðurnöfn þeirra séu ekki hin sömu. Hvað heita þessir þingmenn?

***

Seinni aukaspurning:

Hver er konan?

***

Svör við aðalspurningum:

1.  Utanríkisráðherra Sovétríkjanna.

2.  Bensín eða steinolía.

3.  Ítalía.

4.  San Marino.

5.  „Feðurnir frægu.“ Einnig má nefna „frjálsræðishetjurnar góðu“. 

6.  Egill Ólafsson.

7.  Succession.

8.  Heimiliskötturinn.

9.  Sjálfstæðisflokkinn.

10.  Þeir heita báðir Guðmundur Ingi. Annar er Guðbrandsson og situr á þingi fyrir VG, hinn er Kristinsson og er í Flokki fólksins.

***

Svör við aukaspurningum:

Efri myndin er tekin í Víetnam-stríðinu eins og augljóst má vera af þyrlugerðunum og búnaði dátanna.

Neðri myndin er af Ellý Vilhjálms.