Fréttir Pandóruskjölin

Icelandair gat þess aldrei að félagið stundaði viðskipti í gegnum Tortólu

Flug­fé­lagið Icelandair lét þess aldrei getið opin­ber­lega að félagið hefði fjár­fest í þremur Boeing-þotum í gegnum Tortóla-félag. Við­skipti félags­ins í gegnum Tortólu komu fram í Pand­ópru­skjöl­unum. Bogi Nils Bogason, for­stjóri Icelandair, segir að hlutur Icelandair í félög­unum sem héldu utan um þot­urnar hafi verið seldur með tapi.

Icelandair gat þess aldrei að félagið stundaði viðskipti í gegnum Tortólu
Aldrei tekið fram Fjár­fest­ing Icelandair í Boeing-þotum í gegnum Tortólu var ekki tekin fram í árs­reikn­ingum félags­ins jafn­vel þó tekið hafi fram að félagið hafi fjár­fest í fyr­ir­tæki sem hét Barkham. Ekki kom fram að eign­ar­haldið á fyr­ir­tæk­inu tengd­ist skatta­skjól­inu Tortólu. For­svars­menn Icelandair árið 2005 sjást hér með full­trúm Boeing. Mynd: JIM Smart
Birtist upphaflega í Stundinni fyrir tæpum 5 árum.

Flug­fé­lagið Icelandair tók það aldrei fram að félagið væri þáttak­andi í við­skiptum í gegnum félag í skatta­skjól­inu Tortólu, líkt og kemur fram í Pand­óru­skjöl­unum. Í svari frá for­stjóra Icelandair, Boga Nils Bogasyni, kemur fram að félagið hafi til­greint að fyr­ir­tækið hafi fjár­fest í fyr­ir­tæki sem heitir Barkham árið 2005 en aldrei kom fram í upp­lýs­inga­gjöf fyr­ir­tæk­is­ins að eign­ar­haldið á fyr­ir­tæk­inu og þot­unum var í gegnum Tortólu. 

Tekið skal fram að Bogi var ekki for­stjóri Icelandair á þessum tíma heldur Sigurður Helgason. Bogi var hins vegar um tíma stjórn­ar­for­maður dótt­ur­fé­lags Icelandair, IG Invest ehf., sem hélt utan um eign­ar­hlut­inn í Barkham-félög­unum. 

Eins og Stundin greindi frá fyrir skömmu þá keypti fyr­ir­tæki í skatta­skjól­inu Tortóla, sem var í eigu dótt­ur­fé­lags flug­fé­lags­ins Icelandair, þrjár Boeing-þotur með lánum frá Íslands­banka, síðar Glitni árið 2004. Tortóla­fé­lagið heitir Barkham Associates S.A. Félagið á Tortóla var í eigu dótt­ur­fé­lags Icelandair, IG Invest ehf., sem aftur var hluti af rekstri flug­véla­leig­unnar Icelease ehf.

Tortóla kom aldrei fram hjá Icelandair

Í svörum Boga við spurn­ingum Stund­ar­innar kemur fram að félagið hafi upp­lýst um fjár­fest­ingu sína í félag­inu Barkham árið 2005. Þetta félag var skráð á Írlandi og var notað í við­skiptum félags­ins Barkham Associates á Tortólu en það var þetta félag sem keypti Boeing-þot­urnar og var lán­tak­andi Íslands­banka/Glitnis. 

Orðrétt segir Bogi í svari sínu: „Líkt og fram kemur í til­kynn­ingu FL Group til Kaup­hallar hinn 25. maí 2005 þó tók félagið þátt í því að kaupa 49% hlut í þremur Boeing 737-500 flug­vélum þar sem eign­ar­haldið var í gegnum félagið Barkham. Fram kom að hinir eig­endur félags­ins hafi verið Gunnar Björg­vins­son og fleiri aðilar í Liechtenstein og ætlað var að leigja flug­vél­arnar þrjár til Air Baltic. FL Invest­ment ehf., dótt­ur­fé­lag FL Group, sem hafði flug­véla­fjár­fest­ingar og leigu þeirra að meg­in­starf­semi fór með eign­ar­hlut­inn í Barkham. Árið 2006 er þessi 49% hlutur svo færður frá FL Invest­ment ehf. til IG Invest ehf., sem var dótt­ur­fé­lag Icelandair Group. IG Invest greiddi FL Invest­ment USD 3.336.263 fyrir 49% hlut í félag­inu. Við­skiptin áttu sér stað í tengslum við það að FL Group var leyst upp í þeirri mynd sem það var og starf­semi þess færð yfir til Icelandair Group.  Það er getið um þennan eign­ar­hlut í árs­reikn­ingum IG Invest ehf. til árs­ins 2012 þegar hann hafði verið seldur í tengslum við upp­gjör við Glitni. Hlut­ur­inn var seldur á mun lægra verði en hann hafði verið keyptur eða fyrir USD 24.500.“

„Félagið tók þátt í kaupum á þremur Boeing 737-500 flug­vélum með Gunnari Björg­vins­syni og fleirum í fyr­ir­tæk­inu Barkham.“
Úr til­kynn­ingu FL Group um við­skiptin árið 2005

Félagið IG Invest ehf. sem Bogi vísar til hélt utan um hlut­inn í Barkham-félög­unum fyrir Icelandair. Þar er sann­ar­lega minnst á Barkham, líkt og Bogi nefnir, en ein­göngu Barkham-félagið á Írlandi en ekki Barkham-félagið á Tortólu. 

Óljóst af hverju Tortóla var notað

Í til­kynn­ing­unni til Kaup­hall­ar­innar, frá 2005, sem Bogi vísar til segir orð­rétt um við­skiptin með Barkham. „Félagið tók þátt í kaupum á þremur Boeing 737-500 flug­vélum með Gunnari Björg­vins­syni og fleirum í fyr­ir­tæk­inu Barkham.  Þær eru leigðar til Air Baltic.“

Þannig liggur fyrir að Icelandair sagði frá fjár­fest­ing­unni í Barkham á opin­berum vett­vangi, en bara Barkham á Írlandi og ekki Barkham á Tortólu. Þessar upp­lýs­ingar um við­skipti Icelandair á Tortólu lágu ekki fyrir fyrr en þær komu fram í Pand­órus­skjöl­unum. 

Ekki liggur enn fyrir af hverju Icelandair valdi að taka þátt í við­skiptum þar sem félag á Tortólu var notað. Ein af spurn­ingum Stund­ar­innar til Icelandair var: „Af hverju var ákveðið að not­ast við félag á Bresku Jóm­frú­areyjum vegna þess­ara við­skipta?“ Þessari spurn­ingu hefur ekki verið svarað. Fyrr­ver­andi fjár­mála­stjóri Icelandair, Halldór Vil­hjálms­son, gat heldur ekki veitt miklar upp­lýs­ingar um starf­sem­ina í gegnum Tortólu, aðrar en þær að þessi starf­semi hafi verið eðli­leg. 

Þá spurði Stundin einnig að því hvar Barkham-félagið á Tortólu hefði verið skatt­lagt og eins hvort Icelandair stund­aði ein­hver við­skipti í skatta­skjólum eða á lág­skatta­svæðum. Svar Boga við þeirri spurn­ingu er birt hér í boxi.

Kjósa
0
Hvernig finnst þér þessi grein? Skráðu þig inn til að kjósa.
Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Pandóruskjölin

Viðskiptavild helmingurinn af 5,5 milljarða kaupum Kviku af hluthöfum bankans
Viðskipti

Við­skipta­vild helm­ing­ur­inn af 5,5 millj­arða kaupum Kviku af hlut­höfum bank­ans

Almenn­ings­hluta­fé­lagið Kvika, sem er meðal ann­ars í eigu líf­eyr­is­sjóða, keypti meiri­hluta í bresku fast­eigna­veð­lána­fyr­ir­tæki árið 2022. Fyr­ir­tækið var áður í eigu for­stjóra Kviku, Ármanns Þor­valds­sonar, sem starf­aði þar í nokkur ár. Þeir sem seldu Kviku fyr­ir­tækið voru meðal ann­ars stærsti einka­að­il­inn í hlut­hafa­hópi bank­ans, Stoðir. FME hefur áður sektað Kviku út af við­skiptum sem tengj­ast Ortus. Kvika segir ekk­ert athuga­vert við við­skiptin og að hlut­laustir utan­að­kom­andi sér­fræð­ingar hafi komið að þeim.
Hvernig peningaslóð stjórnenda Kaupþings og maka þeirra liggur til Tortólu
Skýring

Hvernig pen­inga­slóð stjórn­enda Kaup­þings og maka þeirra liggur til Tortólu

Notkun eig­in­kvenna fyrr­ver­andi stjórn­enda Kaup­þings­banka á félögum á aflands­svæð­inu Kypur er enn eitt dæmið um það að þessir aðilar hafi not­ast við slík félög í við­skiptum sínum eftir efna­hags­hrunið 2008. Hreiðar Már Sig­urðs­son, fyrr­ver­andi for­stjóri Kaup­þings, og eig­in­konu hans tengd­ust til dæmis félögum í Panama­skjöl­unum og árið 2019 var sagt frá Tortóla­fé­lagi sem notað var til að halda utan um eignir á Íslandi sem tengd­ust þeim.
Úkraínski sígarettukóngurinn sem fór með konu í stríð
ÚttektPandóruskjölin

Úkra­ínski sígar­ettu­kóng­ur­inn sem fór með konu í stríð

Pand­óru­skjölin sýna hvernig úkra­ínskur með­fram­leið­andi íslensku verð­launa­mynd­ar­innar Kona fer í stríð sækir í aflands­sjóð til að fjár­magna kvik­mynda­verk­efni sín. Uppruni pen­inga hans er gríð­ar­stórt sígar­ettu­veldi í Úkraínu. Fram­leið­andi mynd­ar­innar full­yrðir þó að þeir pen­ingar hafi ekki verið not­aðir við gerð íslensku mynd­ar­innar.
Aflandshýsing í aflandsfélagi hýsir klám og nýnasistaáróður á Íslandi
AfhjúpunPandóruskjölin

Aflands­hýs­ing í aflands­fé­lagi hýsir klám og nýnas­ista­á­róður á Íslandi

Íslend­ingur búsettur í Taílandi er pott­ur­inn og pannan í rekstri umdeilds vef­hýs­ing­ar­fyr­ir­tækis sem gerir út á tján­ing­ar­frels­is­á­kvæði íslenskra laga. Klám, nýnas­ista­á­róður og nafn­laust níð er hýst á vegum fyr­ir­tæk­is­ins. „Ég hef ekk­ert að fela,“ segir mað­ur­inn, sem er einn þeirra sem afhjúpaðir eru í Pand­óru­skjöl­unum.

Mest lesið

Mest lesið

Mest lesið í vikunni

Mest lesið í mánuðinum

Mest lesið í mánuðinum

Nýtt efni

„Margt sem ég hef séð situr í mér“
Viðtal

„Margt sem ég hef séð situr í mér“

Þegar Halla Bergþóra Björns­dóttir varð fyrst kvenna til þess að sinna lög­gæslu á Húsavík fékk hún að heyra að konur ættu ekk­ert erindi í lög­regl­una. Hún lét það ekki á sig fá, varð lög­reglu­stjóri og loks rík­is­lög­reglu­stjóri. Starfið hefur breytt henni, enda hefur hún komið að erf­iðum málum og fengið hót­anir. Á sama tíma hefur hún öðl­ast skarp­ari sýn á lífið, sterk­ari löngun til að gera gagn og fundið fyrir þakk­læti fyrir allt það góða.

Mest lesið undanfarið ár