Fyrri aukaspurning:

Í hvaða borg er brúin á myndinni hér að ofan?

***

Aðalspurningar:

1.  Í hvaða landi voru fyrstu bílaverksmiðjur Honda?

2.  Keir Starmer — hvaða starfi gegnir hann?

3.  Úr hvaða tungumáli er nafnið Keir komið?

4.  Keir Dullea lék eitt helsta hlutverkið í frægri og speisaðri kvikmynd frá 1968. Hver er sú kvikmynd?

5.  Hvað heitir staður sá í Hvalfirði þar sem Skúli Mogensen er að byggja upp ferðaþjónustu?

6.  Hvað hét dóttir Brynjólfs Sveinssonar biskups?

7.  Í hvaða heimsálfu er ríkið Bahrein?

8.  Hún skrifaði marglofaða bók um gullöld íslensku revíunnar, er virtur dagskrárgerðarmaður hjá Rás eitt Ríkisútvarpsins og hefur tjáð sig í fjölmiðlum um þráhyggjuröskun sem hrjáir hana. Hvað heitir hún?

9.  Hvaða fótboltalið á Englandi hefur bækistöðvar sínar á vellinum Old Trafford?

10.  Niðureftir hve mörgum vegum verður maður að ganga áður en þú fellst á að kalla hann mann?

***

Seinni aukaspurning:

Hér að neðan má sjá mestan hlut af umslagi frægrar plötu sem út kom 1993. Hver var hljómsveitin?

***

Svör við aðalspurningum:

1.  Japan.

2.  Leiðtogi Verkamannsflokksins á Bretlandi.

3.  Gelísku.

4.  2001: A Space Odyssey.

5.  Hvammsvík.

6.  Ragnheiður.

7.  Asíu.

8.  Una Margrét.

9.  Manchester United.

10.  Svarið, vinur minn, feykist í vindinum.

Eða: The answer, my friend, is blowing in the wind.

***

Brúin á efri myndinni er í Feneyjum.

Plötuna Pablo Honey gaf hljómsveitin Radiohead út.