Fyrri aukaspurning:

Hvað heitir konan á myndinni hér? Bæði þarf skírnar- og föðurnafn.

***

Aðalspurningar:

1.  Hvaða mynt er notuð í Danmörku?

2.  Hver var aðal listgrein Salvadors Dali?

3.  Hvað heitir sú trjátegund sem ber heiðgul blóm sem hanga í strengjum niður úr greinunum?

4.  Banksy heitir listamaður einn á Bretlandi sem heldur nafni sínu leyndu. Verk hans birtast gjarnan óforvarandis á opinberum vettvangi. Þótt flest sé á huldu um Banksy, þá er ljóst að hann er sérstaklega tengdur einni ákveðinni breskri borg, þar sem hann komst til manns sem listamaður. Hvaða borg er það?

5.  „Er nauðsynlegt að skjóta þá?“ Hverja þá?

6.  Helgafellsklaustur, Kirkjubæjarklaustur, Munkaþverárklaustur, Möðruvallaklaustur, Reynistaðaklaustur, Saurbæjarklaustur, Skriðuklaustur, Viðeyjarklausur, Þykkvabæjarklaustur. Hvert af þessum níu klaustrum var ekki til, heldur er tilbúningur minn?

7.  Breski tónlistarmaðurinn Sting var hér á árum áður býsna kunnur, bæði fyrir sólóferil sinn og svo fyrir að vera í hljómsveit sem nefnd var ...?

8.  Á hvaða nesi stendur alþjóðaflugvöllurinn sem oftast er kenndur við Keflavík? 

9.  Heimspekingur einn fullyrti í frægi bók, sem hafin var útgáfa á 1883, að guð væri dauður. Ýmsir höfðu svo sem haft orð á þessu áður en ekki svo skýrt og skilmerkilega, og andlátsfregnin er því jafnan tengd nafni þessa heimspekings. Og hann hét ...?

10.  Sami heimspekingur setti í sömu bók, ef mér skjöplast ekki, fram kenningu um manninn, sem einnig varð mjög fræg — en líka mjög misskilin. Samkvæmt kenningunni skyldi maðurinn stefna að því, eftir að guð væri dauður, að verða ... hvað?

***

Seinni aukaspurning:

Hvaða þjóð eða þjóðahópur sigldi bátum af því tagi sem hér að neðan sjást?

***

Svör við aðalspurningum:

1.  Krónur.

2.  Myndlist.

3.  Gullregn.

4.  Bristol.

5.  Hvali.

6.  Saurbæjarklaustur hefur ekki verið stofnað enn.

7.  Police.

8.  Miðnes. Einnig gef ég rétt fyrir Rosmhvalanes.

9.  Nietzsche.

10.  Übermensch, ofurmenni, á ensku superman.

***

Svör við aukaspurningum:

Á efri myndinni er Vanda Sigurgeirsdóttir.

Á neðri myndinni er bátur Pólynesa.