Stefnumál stjórnmálaflokkanna sem bjóða fram í alþingiskosningunum 25. september næstkomandi eiga það í stórum dráttum sameiginlegt að vera lítt fjármagnaðar og fátt er um stefnumál sem augljóst er að afli ríkissjóði tekna. Óvíða er að finna útreikninga á kostnaði við að hrinda málum í framkvæmd og almennt er mikið um almennt orðaðar áherslur en minna um útfærð og skilgreind kosningaloforð.

Stundin hefur greint kosningastefnur þeirra níu flokka sem ljóst má vera að bjóði fram í öllum kjördæmum í komandi þingkosningum og eigi raunhæfa möguleika á að fá fulltrúa kjörna á þing. Átta þeirra buðu fram í síðustu alþingiskosningum og fengu kjörna fulltrúa á Alþingi. Níundi flokkurinn er Sósíalistaflokkur Íslands sem ekki bauð fram við síðustu alþingiskosningar.

Auk þess sem um er að ræða almennar áherslur í mörgum málaflokkum hjá flokkunum er það einnig svo að sumir flokkanna skila beinlínis auðu í stórum málaflokkum. Þannig er ekkert að finna í málefnaáherslum …