Það virð­ist vera að þú, Gylfi, sért skatta­kóngur Vest­manna­eyja

Ég trúi því ekki. 

Hvernig blasir það við þér?

Hvað eru þetta mestu tekj­urnar? 

Þú greiddir rúmar 42 m.kr. í skatt á síð­asta ári

Nú já já. 

Þú ert með 152 millj­ónir króna í heild­ar­árs­tekjur.

Djöf­uls­ins vit­leysa. 

Hvað myndi útskýra þessar fjár­magnstekjur?

Jújú, það er nátt­úr­lega eitt­hvað. 

Áttu fyr­ir­tæki, varstu að selja eitt­hvað? Er þetta arður? Hvað er þetta?

Ég á nátt­úr­lega, átti fyr­ir­tæki.

Áttirðu fyr­ir­tæki? Ertu búinn að selja það?

Jú, ég á fyr­ir­tæki, jájá. 

Þannig að þú átt fyr­ir­tæki, þannig að þetta er arður? Eða hvað er þetta?

Þetta er bæði. Eitthvað alls konar. Bara eitt­hvað. 

Er rétt að titla þig sem stýri­mann? Eða ertu fyr­ir­tækja­eig­andi?

Ég er skip­stjóri og stýri­maður. 

Hvaða fyr­ir­tæki áttu?

Hvað ætlar þú að fara skrifa eitt­hvað um mig þarna í þessu? Það hlýtur að vera ein­hver annar hærri en ég. 

„Heldurðu að Guðbjörg Matt sem á Ísfé­lagið sé ekki hærri en ég?“

Þetta er rosa­leg upp­hæð, 152. m.kr., eitt­hvað sem hinn almenni les­andi getur varla gert sér í hug­ar­lund. 

Hahaha, þú meinar það. Heldurðu að Guðbjörg Matt sem á Ísfé­lagið sé ekki hærri en ég? 

Hún náði ekki inn á list­ann.

Hvernig stendur á því? 

Hvað gerir maður við 152 millj­ónir?

Hvað gerir maður við þær? Verður maður ekki að borga ein­hvern skatt? 

Þú borg­aðir tölu­verðan skatt, 10 millj­ónir í tekju­skatt og 24 millj­ónir í fjár­magnstekju­skatt og alls konar. 

Jájá. Ég er alla­vega ekki skattsvik­ari. 

Það er gott að heyra. Það er mjög fínt að heyra. En þú ert mjög ríkur, það verður að segj­ast.

Já, ok. Jæja. 

Er það ekki?

Ég veit það ekki. Hvað flokk­ast undir það að vera ríkur í dag? 

Ég myndi segja að 152 millj­ónir myndu flokk­ast sem að vera ríkur. 

Er það ekki ...

Áttu útgerð þá?

Jájá. 

Hvað heitir útgerðin hjá þér?

Blessuð vertu, ég fer ekki að segja það. Þú getur örugg­lega fundið það út. 

Það myndi bara flýta fyrir mér ef þú myndir segja mér það. 

Jájá. 

Það kemur þér alla­vega á óvart að þú sért þarna í fyrsta sæti?

Já, það kemur mér virki­lega á óvart. 

Það kemur þér á óvart að þú sért eftstur og þetta er arður og laun mest­megnis, eða hvað?

Jújú, ég er með fín laun. Ekkert að þeim. Bara fín laun. 

Svo fékkstu ein­hvern arð líka?

Já, það er nátt­úr­lega arður líka. 

En þú seldir ekk­ert í fyrra?

Nei. 

Þannig að þetta er arður og laun. 

Já. 

Maður spyr sig, hvað ætlarðu að gera við pen­ing­inn? Ætlar þú að kaupa þér hús? Bíl? 

Ég ætla bara að sjá til. Ég er alla­vega búinn að vinna fyrir laun­unum. Sem skip­stjóri og stýri­maður. 

Og ekki skattsvik­ari

Og ekki skattsvik­ari. 

Sá sem er fyrir neðan þig er með 143 millj­ónir króna í heild­ar­árs­tekjur. 

Hvað heitir hann?

Hann heitir Guð­mundur Huginn Guð­munds­son

Hann er bróðir minn. 

Ó, eruð þið þrír efstu kannski allir bræður? Gylfi, Guð­mundur og Páll?

Ég veit ekk­ert um það. 

Gylfi, þú veist alveg hverjir eru bræður þínir. Láttu ekki svona. Þú ert með níu millj­ónum meira en bróðir þinn í árs­tekjur. Hvað á það að þýða?

Ég er bara búinn að vinna meira. Búinn að vera meira um borð. 

Þú ert með 40 milljón krónum meira en Páll bróðir þinn. Hvað á það að þýða?

Ég vinn meira. Ég er dug­legri. 

Þú ert dug­legri en bræður þínir. 

Já.