Kona sem fékk stefnu senda frá Vil­hjálmi H. Vil­hjálms­syni lög­manni fyrir meið­yrði seg­ist hafa upp­lifað aðferðir lög­manns­ins sem fjár­kúgun. Hún hafi þurft að verja sig fyrir dóm­stólum í þrjú ár með því að sanna að hún hafi orðið fyrir kyn­ferð­is­of­beldi af hálfu fjöl­skyldu­með­lims og skóla­fé­laga á barns­aldri. Hún var loks sýknuð í Hæsta­rétti vorið 2018, nær þremur árum eftir að hafa verið stefnt.

Nýverið sendi Vil­hjálmur út sex kröfu­bréf fyrir hönd Ingólfs Þór­ar­ins­sonar tón­list­ar­manns, Ingós Veð­urguðs, vegna ummæla um meint brot hans sem hafa verið til umræðu. Hann er nú hættur með mál Ingólfs, eins og Frétta­blaðið greindi frá fyrir helgi. Vil­hjálmur hefur áður vakið athygli fyrir sam­bæri­leg mál þar sem umræða á sam­fé­lags­miðlum um meint kyn­ferð­is­brot hefur leitt til mála­ferla. Formaður Lög­manna­fé­lags­ins tjáði sig af þessu til­efni og var­aði við að fólk sam­kenndi lög­menn þeim sjón­ar­miðum og hags­munum sem þeir gæta fyrir skjól­stæð­inga sína. Eðli starfs­ins leiði sjaldan til …