Fyrri aukaspurning:

Hver er sá frægi Íslendingur sem sést á myndinni hér að ofan?

***

Aðalspurningar:

1.  Fyrirtækið Nokia var um tíma um síðustu aldamót í fararbroddi í framleiðslu farsíma, þótt fyrirtækið hafi svo misst af lestinni þegar snjallsímar komu til sögunnar. En áður en Nokia hóf framleiðslu á farsímum, þá var það þekkt á Íslandi fyrir að framleiða allt aðrar vörur. Hverjar þá?

2.  Í hvaða landi er Nokia annars upprunnið?

3.  Hvað heitir stærsta stöðuvatnið á Suðurlandsundirlendinu fyrir utan Þingvallavatn?

4.  Sjónvarpssería um sprelliguðinn Loka hefur verið vinsæl að undanförnu en hún er hluti af bíó- og sjónvarpsframleiðslu hvaða stórfyrirtækis?

5.  Í norrænu goðafræðinni guðinn Loki gjarnan kenndur við móður sína. Hann er sem sagt ...?

6.  Loki á nokkur börn, og með jötnastúlku einni eignaðist hann til dæmis úlf einn mikinn. Hvað heitir sá úlfur?

7.  En Loki eignaðist líka eina ferlega dóttur sem ræður ríkjum í undirheimum. Hvað heitir hún?

8.  Og enn af afkvæmum Loka — hann brá sér einu sinni í merarlíki og eignaðist þá áttfætt folald, sem síðar varð hestur Óðins aðalguðs. Hvað hét hann?

9.  Hver af þessum var EKKI keisari í Rómaveldi hinu forna: Avitus, Augustus, Barbarossa, Caracalla, Geta, Elagabalus, Romulus, Tacitus?

10.  Hvaða persónu ætlaði Davíð Stefánsson skáld að „syngja heim í dalinn, þar sem ég ætla að byggja og nema land“.

***

Seinni aukaspurning:

Annar frægur Íslendingur, hver er þetta?

***

Svör við aðalspurningum:

1.  Gúmmístígvél.

2.  Finnlandi.

3.  Apavatn.

4.  Marvel.

5.  Laufeyjarson.

6.  Fenrir, Fenrisúlfur.

7.  Hel.

8.  Sleipnir.

9.  Barbarossa. Hann var að vísu keisari í hinu svonefnda „heilaga rómverska ríki“, en það er allt annað en Rómaveldi hið forna. Allir hinir voru Rómarkeisarar um lengri eða skemmri tíma, Avitus og Romulus að vísu bara í vesturríkinu.

10.  Dísu í Dalakofanum.

***

Svör við aukaspurningum:

Á efri myndinni er söngvarinn Damon Albarn, sem nú er orðinn íslenskur ríkisborgari sem kunnugt er.

Á neðri myndinni er söngkonan Bríet.