Þessi grein birtist upphaflega í Stundinni fyrir meira en 3 árum.

Stór fyrirtæki með hagsmuni af leikreglum atvinnulífsins í fjölmiðlarekstri

„Við þekkj­um það auð­vit­að að í vax­andi mæli eru fjöl­miðl­ar á Ís­landi í eigu stórra fyr­ir­tækja sem hafa hags­muni af leik­regl­um í at­vinnu­líf­inu,“ seg­ir Páll Gunn­ar Páls­son, for­stjóri Sam­keppnis­eft­ir­lits­ins.

Stór fyrirtæki með hagsmuni af leikreglum atvinnulífsins í fjölmiðlarekstri
Gagnrýndur Páll Gunnar, forstjóri Samkeppniseftirlitsins, sætir oft harðri gagnrýni. Hún kemur gjarnan frá sterkustu hagsmunasamtökunum og birtist í viðskiptablöðunum sem hér eru gefin út. Mynd: Heida Helgadottir

Páll Gunnar Pálsson, forstjóri Samkeppniseftirlitsins, og hans starfsmenn sæta oft harðri gagnrýni fyrir störf sín og framgöngu. Ef tekið er mið af opinberri umræðu mætti ætla að stríð væri á milli fyrirtækja í landinu og eftirlitsins.

Í viðtali í nýjasta tölublaði Stundarinnar segist hann vega og meta alla gagnrýni „en besta gagnrýnin er auðvitað sú sem er byggð á réttum upplýsingum og oft og tíðum er það ekki raunin“.

Rödd neytenda vantar

„Það er ekkert slæmt við það – þvert á móti jákvætt – að það sé fjallað um samkeppnismál, þó maður myndi kjósa að það væri gert á víðari grunni. Að raddir litlu fyrirtækjanna og raddir neytendanna hefðu meira vægi hjá þeim fjölmiðlum sem eru að fjalla um viðskiptamálefni á Íslandi. Ef þú berð saman viðskiptatímarit hér á landi og viðskiptatímarit í kringum okkur þá sérðu strax mun á því hvað sjónarhorn neytenda fær mikið vægi, hér versus til dæmis á Norðurlöndunum.“

Páll Gunnar telur að stjórnvöld verði að horfa til þess þegar ákveðið er hvernig styðja eigi við rekstrarumhverfi einkarekinna fjölmiðla.

„Við höfum vakið athygli á því að þegar sá stuðningur er útfærður sé þá rétt að horfa til þessara hugtaka í fjölmiðlarétti, fjölræði og fjölbreytni, og huga að því hvort að stuðningurinn ætti í ríkari mæli að beinast að þeim miðlum sem tala fyrir þeim sjónarmiðum sem hafa kannski litla fjármuni á bakvið sig, á meðan stuðningurinn ætti þá að vera minni gagnvart þeim fjölmiðlum sem hafa sterka bakhjarla,“ segir hann.

Hagsmunaöfl eiga fjölmiðla

„Við þekkjum það auðvitað að í vaxandi mæli eru fjölmiðlar á Íslandi í eigu stórra fyrirtækja sem hafa hagsmuni af leikreglum í atvinnulífinu. Það er auðvitað sem þarf að taka tillit til líka og stjórnvöld þurfa að horfa á,“ segir Páll Gunnar og vísar til þess að stórir leikendur í atvinnulífinu eru og hafa verið stærstu eigendur margra fjölmiðlanna.

„Ég held að við höfum ekki gætt að því að tryggja þetta jafnvægi.“

Það á við um Morgunblaðið, þar sem sjávarútvegsfyrirtæki hafa fjármagnað mikinn taprekstur, og Fréttablaðið, þar sem Helgi Magnússon fjárfestir, sem setið hefur í stjórnum margra stórra fyrirtækja, tók við eignarhaldinu af Ingibjörgu Pálmadóttur, sem var einn umsvifamesti fjárfestir landsins ásamt eiginmanni sínum um langt skeið. 

„Ég held að við höfum ekki gætt að því að tryggja þetta jafnvægi. Það snýst að því hvernig búið er að hagsmunaöflum sem hafa lítið fjármagn á bakvið sig, það snýr að fjölmiðlum og því umhverfi sem fjölmiðlar búa við, og það snýst líka um hina almennu stjórnmálaumræðu,“ segir hann.

Kjósa
0
Hvernig finnst þér þessi grein? Skráðu þig inn til að kjósa.

Sjá meira

Hagsmunir fárra sterkra ráði of miklu
Viðtal

Hags­mun­ir fárra sterkra ráði of miklu

Á sama tíma og risa­vaxn­ar sekt­ir hafa ver­ið lagð­ar á ís­lensk fyr­ir­tæki vegna sam­keppn­islaga­brota vilja Sam­tök at­vinnu­lífs­ins rann­saka Sam­keppnis­eft­ir­lit­ið og ráð­herra tak­marka heim­ild­ir þess. Páll Gunn­ar Páls­son, for­stjóri eft­ir­lits­ins, seg­ir hags­muni þeirra sem mest eiga ráða miklu á Ís­landi og að há­vær gagn­rýni end­ur­spegli það. Sam­keppn­is­regl­ur séu sér­stak­lega mik­il­væg­ar fyr­ir lít­ið land eins og Ís­land, þvert á það sem op­in­ber um­ræða gefi til kynna. Eft­ir­lit hafi ver­ið tal­að nið­ur af þeim sömu og semja regl­urn­ar sem eiga að gilda.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Júlía Margrét Alexandersdóttir
6
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið

Mest lesið í vikunni

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár