„Þegar ég kom fyrst í bæinn var ég svo ringluð. Það var mikið menn­ing­ar­sjokk. Mér fannst of margir bílar á göt­unum og of margt fólk alls staðar. Í Höfn þekkti maður alla og það var stutt að fara allt í bænum. Ég geri mér enn ekki grein fyrir ferða­tím­anum á milli staða og ég mæti stundum óvart of seint. Ég var sautján ára þegar ég tók bíl­prófið, en ég keyrði ekki í gegnum umferð­ar­ljós eða hring­torg fyrr en ég var tutt­ugu og þriggja. Það voru engin umferð­ar­ljós eða hring­torg á Höfn og ég var svo hrædd við umferð­ina í Reykja­vík. 

Mér finnst alltaf jafn fyndið hvernig fólk í Reykja­vík talar um hverfi og skóla; hann fór í MH, hún fór í Versló ... Það gefur til kynna að það sé ein­hver merk­ing á bak­við það, en ég veit aldrei hvað það þýðir. Höfn er bara eitt hverfi og einn skóli. …