Banda­rískir fjöl­miðlar hafa margir gripið til sam­lík­inga við stöð­una sem var uppi þegar Franklin Delano Roosevelt tók við emb­ætti for­seta árið 1933 í krepp­unni miklu. Þá var fjórð­ungur Banda­ríkja­manna án atvinnu og fyrstu 100 daga Roosevelts í emb­ætti tókst honum að keyra í gegn 15 ný laga­frum­vörp til að bregð­ast við neyð­ar­á­stand­inu. 

Útlitið er vissu­lega ekki eins svart núna, rúm­lega sex pró­sent Banda­ríkja­manna eru í dag á atvinnu­leys­is­skrá, en fjöldi þeirra hefur tvö­fald­ast á einu ári og áætlað er að alls hafi tíu milljón störf glat­ast í Covid-far­aldr­inum. Eitt af fyrstu verkum Biden-stjórn­ar­innar var að vinna með Demókrötum á þing­inu til að leiða í gegn frum­varp um 1,9 trilljón doll­ara inn­spýt­ingu í hag­kerfið. For­set­inn und­ir­rit­aði lögin nú um miðja viku og þýðir það meðal ann­ars að margir skatt­borg­arar munu eiga rétt á allt að 180 þús­und króna ein­greiðslu í næsta mán­uði.

Á alþjóða­vett­vangi lét Biden einnig strax til sín taka …