Það hvernig staðið verður að rann­sókn á lýs­ingum af ofbeldi og harð­ræði á með­ferð­ar­heim­il­inu Lauga­landi, áður Varp­holti, skýrist að öllum lík­indum næst­kom­andi mið­viku­dag. Ásmundur Einar Daðason, félags- og barna­mála­ráð­herra, fund­aði síð­ast­lið­inn föstu­dag með konum sem lýst hafa því að þær hafi orðið fyrir ofbeldi og illri með­ferð meðan þær voru vistaðar á með­ferð­ar­heim­il­inu. Á þeim fundi kom fram að fundað yrði að nýju með kon­unum á mið­viku­dag­inn og þá myndi að öllum lík­indum skýr­ast hver yrðu næstu skref í rann­sókn á starf­semi með­ferð­ar­heim­il­is­ins.

Fjöldi kvenna hefur á und­an­förnum vikum stigið fram í Stund­inni og lýst því að Ingj­aldur Arn­þórs­son, sem veitti með­ferð­ar­heim­il­inu for­stöðu á árunum 1997 til 2007, hafi beitt þær harð­ræði og ofbeldi meðan þær voru vistaðar þar. Lýsingar kvenn­ana eru keim­líkar, þær hafi verið brotnar niður and­lega, kall­aðar ljótum nöfnum, þær hafi verið slegnar og sumar hverjar verið beittar enn harka­legra lík­am­legu ofbeldi.

Konurnar hafa kallað eftir því að fram fari opin­ber rann­sókn á starf­semi Lauga­lands. Síð­ast­lið­inn föstu­dag fund­uðu full­trúar þeirra með Ásmundi. Gígja Skúla­dóttir var ein kvenn­ana sem sat þann fund og segir hún í sam­tali við Stundina að eftir fund­inn sé hún von­góð um að málið verði rann­sakað í þaula. Hún sé ánægð nálgun Ásmundar á málið og þær mót­tökur sem hann hafi sýnt þeim. „Hann hrós­aði okkur fyrir hug­rekkið, að stíga fram, og mér fannst hann mæta okkar með mik­illi auð­mýkt og virð­ingu. Hann ítrek­aði að þetta yrði ekki eini fund­ur­inn sem yrði hald­inn með okkur og að málið yrði skoðað mun betur.“

Konurnar funda aftur með Ásmundi næst­kom­andi mið­viku­dag og er það skiln­ingur Gígju að þá verði búið að taka end­an­lega ákvörðun um með hvaða hætti mál­efni Lauga­lands verði skoðuð frekar og hvaða skref verði stigin í fram­hald­inu. „Ásmundur sagði að við skyldum undi­búa okkur fyrir að þurfa að koma aftur og segja sög­urnar okkar í meiri smá­at­riðum. Mér finnst það gefa fyr­ir­heit um að málið verði rann­sakað, með hvaða hætti sem það verður gert.“

Stundin óskaði eftir upp­lýs­ingum frá félags­mála­ráðu­neyt­inu  um hvort það væri réttur skiln­ingur Gígju að ákvörð­unum um rann­sókn myndi liggja fyrir næst­kom­andi mið­viku­dag. Svör höfðu ekki borist þegar fréttin var birt.

Uppfært 15. febr­úar, kl. 15:25.

Samkvæmt svörum félags­mála­ráðu­neyt­is­ins er stefnt að því að funda aftur með kon­unum í þess­ari viku. Ekki hefur verið stað­festur tími fyrir þann fund en mið­viku­degi var fleygt sem hugs­an­legri tíma­setn­ingu. Samkvæmt upp­lýs­ingum úr ráðu­neyt­inu er stefnt að því að þá liggi fyrir mót­aðri hug­myndir um næstu skref.