Mistök voru gerð við fram­kvæmdir á vegum veitna við Suð­ur­götu og olli það vatns­tjóni í bygg­ingum Háskóla Íslands. Þetta kemur fram í til­kynn­ingu frá Veitum.

„Mistök voru gerð við fram­kvæmdir á vegum Veitna við Suð­ur­götu sem ollu því að stofn­lögn vatns fór í sundur þannig að vatn flæddi inn í bygg­ingar Háskóla Íslands,“ segir í til­kynn­ingu Veitna. „Verið er að end­ur­nýja lögn­ina og veggur loka­húss, sem styður við hana, var rof­inn of snemma í verk­inu. Þar sem enn var þrýst­ingur á lögn­inni fór hún í sundur á sam­skeytum með þessum afleið­ingum.“

Er þetta nið­ur­staða grein­ingar starfs­fólks Veitna á atvik­inu. „Veitur eru með frjálsa ábyrgða­trygg­ingu og hefur trygg­ing­ar­fé­lagi Veitna verið kynntar bráða­birgða­nið­ur­stöður grein­inga.  Einnig hefur verið fundað með for­svars­fólki Háskóla Íslands og öðrum hag­að­ilum,“ segir í til­kynn­ing­unni.

Skera þarf úr um bóta­á­byrgð vegna tjóns­ins á verk­sviði trygg­ing­ar­fé­laga, segir enn­fremur. Mat á því liggur ekki fyrir.

„Veitum þykir miður að mis­tökin hafi valdið þessu tjóni og raskað starfi Háskól­ans. Fyr­ir­tækið hefur boðið fram aðstoð til að tjónið og truflun á skóla­starfi verði sem minnst. Atvikið er litið alvar­legum augum innan Veitna og er þegar hafin rýni á verk­lagi og sam­skiptum allra sem að fram­kvæmdum á vegum fyr­ir­tæk­is­ins koma.“