Þessi grein birtist upphaflega í Stundinni fyrir meira en 4 árum.

Nýtt stéttarfélag beitir blekkingum og ósannindum

Í lög­um Stétt­ar­fé­lags­ins Kóps, sem stofn­að var í byrj­un árs, er því rang­lega hald­ið fram að fé­lag­ið sé að­ili að Starfs­greina­sam­band­inu og Sjó­manna­sam­band­inu. Formað­ur Starfs­greina­sam­bands­ins seg­ir að ver­ið sé að blekkja fólk. ASÍ var­ar launa­fólk við fé­lag­inu.

Nýtt stéttarfélag beitir blekkingum og ósannindum
Vara við stéttarfélagi sem beitir blekkingum Drífa Snædal, forseti ASÍ, varar launafólk við að ganga í stéttarfélaið Kóp, þar eð það geti með því sér óafvitandi afsalað sér réttindum. Björn Snæbjörnsson, formaður Starfsgreinasambandsins, segir forsvarsmenn Kóps beita blekkingum þar eð fullyrt sé að Kópur sé aðili að Starfsgreinasambandinu. Því fari hins vegar fjarri.

Nýtt stéttarfélag, Kópur, fer fram með blekkingar í lögum félagsins. Þar er því haldið fram að stéttarfélagið sé aðili að Starfsgreinasambandi Íslands (SGS) og Sjómannasambandi Íslands, sem sé aðili að Alþýðusambandi Íslands (ASÍ). Hvort tveggja er ósatt, Kópur er hvorki aðili að SGS né Sjómannasambandinu og ekki heldur aðili að ASÍ.

Forseti Alþýðusambands Íslands, Drífa Snædal, hefur sent frá sér yfirlýsingu þar sem launafólk er varað við stéttarfélaginu sem hafi að undanförnu auglýst starfsemi sína. Virðist auglýsingunum einkum beint að Pólverjum sem starfi hér á landi. ASÍ áréttar að engin tengsl séu milli sambandsins og Kóps og gangi fólk úr öðrum stéttarfélögum og í Kóp geti það óafvitandi verið að afsala sér réttindum. Lára V. Júlíusdóttir, hæstaréttarlögmaður og sérfræðingur í vinnumarkaðsrétti, telur hæpið að Kópur geti starfað sem stéttarfélag.

Ósannindi í lögum Kóps

Í lögum Kóps-stéttafélags segir að sem fyrr segir í 1. grein að félagið sé aðili að SGS og Sjómannasambandinu. Í samtali við Stundina segir Valmundur Valmundsson, formaður Sjómannasambandsins, að þetta séu ósannindi hvað það félag varðar. Björn Snæbjörnsson, formaður SGS, segir þetta heldur ekki rétt hvað varðar SGS. „Það hefur ekki sótt um eitt eða neitt hjá okkur. Það hefur hvorki verið haft samband við mig eða framkvæmdastjóra, ekki verið óskað eftir inngöngu í starfsgreinasambandið eða nokkurn skapaðan hlut. Við höfum ekkert af þessu félagi heyrt nema við höfum rekist á Facebook-síðu þess. Að þetta félag sé aðili að Starfsgreinasambandinu er bara algjör þvæla og mjög lélegt ef menn eru að setja svona inn til að blekkja fólk.“

„Það hefur ekki sótt um eitt eða neitt hjá okkur.

Kveðið er á um það í lögum um stéttarfélög og vinnudeilur að rétt eigi menn á því að stofna stéttarfélög í þeim tilgangi að vinna að sameiginlegum hagsmunamálum verkalýðsstéttarinnar og launtaka yfirleitt. Að sama skapi eru svokölluð forgangsréttarákvæði í flestum kjarasamningum sem gera það að verkum að félagsmenn þess félags sem geri kjarasamning við viðsemjendur hafi forgang að störfum hjá vinnuveitendum.

Efast um að Kópur geti starfaðLára V. Júlíusdóttir telur að Kópur muni vart geta starfað sem stéttarfélag.

„Það segir í sjálfu sér ekki mikið í lögunum um hvað þurfi að vera til staðar í starfsemi stéttarfélaga annað en að semja um kaup og kjör. Síðan er það forgangsréttarákvæðið sem gildir í flestum kjarasamningum, sem gerir það að verkum að það er ekkert rými fyrir nema eitt stéttarfélag í viðkomandi starfsgrein á viðkomandi svæði,“ segir Lára V. Júlíusdóttir.

Sérfræðingur í vinnurétti efast um að Kópur geti starfað

Lára segist ekki sjá fyrir sér hvernig stéttarfélagið Kópur eigi að geta starfað í þessu ljósi. Í lögum Kóps kemur fram að félagsaðild sé opin öllu verkafólki, og tiltekið hvað undir það falli. Er þar um hefðbundin verkamannastörf að ræða, störf sem eru einkennandi fyrir félagsmenn stéttarfélaga á borð við Eflingu, SGS og Sjómannasambandið til að mynda.

„Ég held að það sé mjög erfitt fyrir það, vegna þess að allir launþegar í landinu tilheyra nú þegar einhverjum félögum eða samtökum. Jafnvel þótt fólk sé ekki skráð sem fullgildir félagar þá telja félögin að allir þeir sem séu að vinna þau störf sem tiltekið stéttarfélag semur fyrir tilheyri því í raun,“ segir Lára.

Engin tengsl milli ASÍ og Kóps

Í yfirlýsingu Drífu Snædal, forseta ASÍ, segir að í kynningum á Kópi-stéttarfélagi sé látið að því liggja að félagið hafi aðgang að öllum þeim gæðum og þjónustu við félagsmenn sem verkalýðsfélagið hefur byggt upp um áratuga skeið, og jafnvel að félagið sé tengt ASÍ. Þetta sé hins vegar rangt.

UmsóknareyðublaðUmræddu umsóknareyðublaði í Kóp-stéttarfélag hefur verið dreift hingað og þangað.

„Það eru engin tengsl milli ASÍ og Kóps og okkur vitanlega hefur Kópur ekki gert neina kjarasamninga. Kópur er ekki með fræðslusjóð til að greiða menntun, er ekki með sjúkrasjóð fyrir þá sem verða veikir í lengri tíma, á ekki aðild að Bjargi íbúðafélagi sem býður lægri leigu og húsnæðisöryggi, er ekki aðili að VIRK starfsendurhæfingu og á ekki orlofshús. Mögulegir félagsmenn í Kópi myndu ekki njóta neinna af þessum réttindum né hafa aðgang að lögfræðilegri og annarri faglegri aðstoð sem launafólki býðst almennt hjá sínum stéttarfélögum. ASÍ hvetur til að þessum upplýsingum sé dreift sem víðast og komið í veg fyrir að launafólk afsali sér óafvitandi réttindum sem verkalýðshreyfingin hefur byggt upp um áratuga skeið,“ segir í yfirlýsingu Drífu.

Þá hefur Efling stéttarfélag einnig haft Kóp-stéttarfélag til skoðunar en án þess að hafa aðhafst neitt frekar hvað varðar málefni þess að sinni.

Formaður félagsins og skráður forsvarsmaður er Stanley Kowal. Ekki náðist í hann í síma þegar Stundin gerði tilraun til þess að leita eftir skýringum hans á málinu.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Júlía Margrét Alexandersdóttir
2
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið

Mest lesið í vikunni

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár