Miðstjórn Alþýðusambands Íslands (ASÍ) kallar eftir því að hlutabótaleiðin verði framlengd þar til næsta sumar og að atvinnuleysisbætur verði hækkaðar.
Fram kemur í tilkynningu að ASÍ leggi til hækkun grunnbóta í 318.250 krónur. Er það nær 10 prósenta hækkun. Þá verði tekjutengdar bætur greiddar í allt að sex mánuði fá fyrsta degi atvinnuleysis og hámark tekjutengingar verði 650 þúsund.
ASÍ vill að þak tekjutengdra atvinnuleysisbóta lág- og millitekjufólks verði hækkað og rétturinn til bóta lengdur í þrjú ár, en hann er tvö og hálft ár nú. Þá vill ASÍ að hlutabótaleiðin verði framlengd til 1. júní 2021.
„Við þær aðstæður sem nú eru á vinnumarkaði er brýnna sem aldrei fyrr að gera umbætur á atvinnuleysistryggingum,“ segir í tilkynningu ASÍ. „Forða þarf fólki sem misst hefur vinnu frá enn verri áföllum en felast í atvinnumissi með því að tryggja afkomuöryggi þess og aðstoða við að komast aftur út á vinnumarkaðinn. Það er gert með því að veita atvinnulausum þjónustu og tækifæri til að styrkja sig og efla hæfni sína og þekkingu og bjóða menntun og þjálfun til nýrra starfa.“
Bent er á að atvinnuþátttaka á Íslandi sé mjög há og atvinnuleysi jafnan lágt, þrátt fyrir að atvinnuleysistryggingar séu hærri hér en víða annars staðar. „Þetta afsannar þá lífsseigu kenningu að atvinnuleysistryggingar séu letjandi til atvinnuleitar. Hvergi í heiminum hefur sú aðferð að svelta fólk út af bótum skilað árangri.
Skortur á afkomuöryggi getur haft miklar langtímaafleiðingar fyrir einstaklinga og fjölskyldur sem er jafnframt mjög dýrkeypt samfélagslega. Tekjufall einstaklinga hefur dómínó-áhrif á hagkerfið í heild sinni og getur leitt til þess að kreppan vegna COVID-19 verður dýpri og langvinnari en ella.“
Covid-19
Fleiri smitast af hinni banvænu Nipah-veiru
Heilbrigðisyfirvöld grípa til sóttkvíar eftir Nipah-smittilfelli á Indlandi
Veira dreifist hratt um Evrópu
Sérfræðingar vara við nýjum heimsfaraldri
Suður-Súdan glímir við versta kólerufaraldurinn í 20 ár
Athugasemdir