Hótelkeðja fjölskyldu Hreiðars Más sem fjármögnuð var úr skattaskjóli nýtir hlutabótaleiðina

Hót­el­keðjan Gistiver, sem er í eigu Hreiðars Más Sig­urðs­sonar og eig­in­konu hans Önnu Lísu Sig­ur­jóns­dóttur, nýtir hluta­bóta­leið­ina svoköll­uðu í COVID-19 far­aldr­inum. Stærsti hlut­hafi Gisti­vers er eign­ar­halds­fé­lagið Hólmsver ehf. með tæp­lega 80 pró­senta hlut en eig­in­kona Hreiðars Más á rúm 20 pró­sent. Sonur Hreiðars og Önnur Lísu, Arnór Hreið­ars­son, er fram­kvæmda­stjóri Gisti­vers. 

Nafn fyr­ir­tæk­is­ins kemur fram á lista Vinnu­mála­stofn­unar yfir fyr­ir­tækin sem nýta eða nýttu hluta­bóta­leið­ina. 

Gistiver á og rekur sjö hótel og gisti­heim­ili víða um land, að fullu leyti eða að hluta, meðal ann­ars í Stykk­is­hólmi, Reykja­nesbæ, á Búðum og í Reykja­vík. Meðal hót­ela félags­ins eru Hótel Egilsen á Stykk­is­hólmi, Hótel Berg í Reykja­nesbæ og ION Hotel á Nesja­valla­svæð­inu. Nöfn ION Hotel og Hótel Búða eru einnig á lista Vinnu­mála­stofn­unar not­uðu einnig hluta­bóta­leið­ina en þau eru rekin á sér kenni­tölum þó Gistiver ehf. eigi hlut í þeim.  Þannig má segja að þrjú fyr­ir­tæki innan sam­stæðu Gisti­vers ehf. hafi nýtt sér hluta­bóta­leið­ina. 

Hreiðar Már Sig­urðs­son var banka­stjóri Kaup­þings fyrir hrunið 2008. Eftir hrunið hefur hann haslað sér völl sem fjár­festir, sér­stak­lega í ferða­manna­geir­anum. 

„Það fór bara allt í skrúfuna“

Í sam­tali við Stundina segir Anna Gréta Haf­steins­dóttir, hót­el­stjóri á Hótel Bergi einu af hót­elum Gisti­vers, að COVID-19 hafi haft hörmu­legar afleið­ingar fyrir hót­elið.  „Það fór bara allt í skrúf­una. Það er svo ein­falt. Í stuttu máli voru eig­in­lega allir okkar kúnnar erlendis frá,“ segir Anna Gréta aðspurð um notkun hót­els­ins á hluta­bóta­leið­inni en þetta er sama sagan og með nær öll hótel á Íslandi í kjöl­farið á útbreiðslu COVID-19. 

Eins og Stundin hefur fjallað voru ekki sett nein skil­yrði í lög­gjöf um aðgerðir til að aðstoða fyr­ir­tæki vegna afleið­inga COVID-19  fyr­ir­tækin sem það gera nýti sér ekki skatta­skjól eða lág­skatta­svæði. Þetta átti bæði um brú­ar­lán, lok­un­ar­styrki og eins hluta­bóta­leið­ina. Oddný Harð­ar­dóttir, þig­kona Sam­fylk­ing­ar­innar, reyndi hins vegar að fá frum­varp­inu um COVID-aðstoð­ina breytt þess efnis að notkun á lág­skatta­svæðum og skatta­skjólum myndi úti­loka stuðn­ing frá rík­inu.  Þessi breyt­inga­til­laga rataði ekki inn í lögin. 

Fjármögnun frá Tortóla

Eins og Stundin fjall­aði um í febr­úar 2019 var eign­ar­haldið á Gisti­veri ehf. í gegnum sjóð hjá Sjóðs­stýr­ing­ar­fyr­ir­tæk­inu Stefni sem heitir  Stefnir - Icelandic Travel Service Fund I. Eigandi þessa sjóðs var fyr­ir­tækið Vinson Capital S.á.r.l. í Lúx­em­borg sem er í eigu Önnu Lísu Sig­ur­jóns­dóttur. Nánar til­tekið átti þessi sjóður í stýr­ingu Stefnis félagið Hólmsver ehf. sem svo átti nærri 80 pró­sent í Gisti­veri.

Þetta félag tók við rúm­lega 310 millj­óna króna eignum frá Tortólu í lok árs 2017. Tortólu­fé­lagið heitir Fultech S.á.r.l. og átti eignir upp á rúm­lega 2,5 millj­ónir evra. 

Þetta er ekki eina Tortólu­fé­lagið sem Hreiðar Már Sig­urðs­son hefur tengsl við. Í Panama­skjöl­unum komu meðal ann­ars fram upp­lýs­ingar um félagið Robinson Associates sem Hreiðar Már færði yfir á nafn konu sinnar og eig­in­konu Sigurðar Ein­ars­sonar eftir að hann hlaut dóm í Al Thani-mál­inu svo­kall­aða. 

„Þessir safn­reikn­ingar eru þannig að við sjáum ekki hverjir við­skipta­vinir erlendra fjár­festa sem fjár­festa hjá okkur eru“

Félagið var í árs­lok 2017 sam­einað Vinson Capital S.á.r.l. Í Lúx­em­borg með áður­nefndum eigna­til­færslum og var þannig hægt að koma umræddum eignum frá Tortólu og til Lúx­em­borgar. Félagið í Lúx­em­borg átti umræddar eignir í ferða­þjón­ustu á Íslandi í gegnum þennan sjóð Stefnis. 

Eins og þáver­andi fram­kvæmda­stjóri Stefnis, Flóki Hall­dórs­son, sagði við Stundina í febr­úar 2019 vissi Stefnir ekki hvaða fjár­festar væru á bak við þennan sjóð. Sjóð­ur­inn var stofn­aður í gegnum safn­reikn­ing í  lúx­em­borgíska bank­anum Banque Havil­l­and, arf­taka Kaup­þings í Lúx­em­borg, á sínum tíma „Þessir safn­reikn­ingar eru þannig að við sjáum ekki hverjir við­skipta­vinir erlendra fjár­festa sem fjár­festa hjá okkur eru. Við göngum bara úr skugga um að um sé að ræða fag­fjár­festa og gerum ráð fyrir að erlenda fjár­mála­fyr­ir­tækið hafi stað­fest þá sem fag­fjár­festa […] Við áttum einn mann í fjár­fest­ing­ar­ráði sjóðs­ins og Banque Havil­l­and átti tvo að mig minnir en þetta fjár­fest­ing­ar­ráð hefur ekki hist í mörg ár,“ sagði Flóki. 

Sjóðs­stýr­ing­ar­fyr­ir­tækið sem hýsti sjóð­inn og heim­il­aði fjár­fest­ingar eig­enda hans og var í for­svari fyrir þær vissi þar af leið­andi ekk­ert hver átti sjóð­inn eða hvaðan fjár­magn hans kom. 

Sjóði Stefnis hefur verið slitið

Stundin greindi frá því í októ­ber í fyrra að Stefnir væri á „á loka­metr­unum“ í því að slíta umræddum sjóði. Í slíkum tifellum þá eign­ast eig­endur hlut­deild­ar­skír­teina, hlut­haf­arnir, í sjóðnum eign­irnar sem sjóð­ur­inn á. 

Samkvæmt heim­ildum Stund­ar­innar er búið að ganga frá slitum sjóðs­ins. Sjóð­ur­inn teng­ist Stefni því ekki lengur. Nafn sjóðs­ins kemur ekki lengur fram á yfir­lit­inu á heima­síðu Stefnis yfir þá sjóði sem félagið stýrir. Nafn sjóðs­ins kemur heldur ekki lengur fram á fram á yfir­liti Fjár­mála­eft­ir­lits­ins um fag­fjár­festa­sjóði.

Samkvæmt síð­asta birta árs­reikn­ingi Vinson Capital S.á.r.l. í Lúex­em­borg átti félagið eignir upp á 2.7 millj­ónir evra í árs­lok 2018, tæp­lega 420 millj­ónir króna . Meðal eigna var „meira en 20 pró­sent“ í áður­nefndum sjóði á Íslandi sem átti meiri­hluta í Gisti­veri. 

Þetta þýðir þá að eig­endur sjóðs­ins, fyr­ir­tækið Vinson Capital Sárl. í Lúx­em­borg, sem meðal ann­ars tók við eignum frá Tortólu­fé­lag­inu Fulltech árið 2017, er nú milli­liða­laus eig­andi eigna sem sjóð­ur­inn átti áður. Meðal þess­ara eigna er eign­ar­halds­fé­lagið Hólmsver ehf. sem á Gistiver ehf. sem nýtti sér hluta­bóta­leið­ina.