Efna­hag­skreppan sem COVID-19 kór­ónafar­ald­ur­inn hefur valdið hefur enn ekki lagst af fullum þunga á fyr­ir­tæki í land­inu, að því marki að þau séu unn­vörpum farin í þrot, þó þegar hafi nokkur fjöldi fyr­ir­tækja lagt upp laupana. Það er þó að mati for­svars­fólks atvinnu­grein­anna aðeins tíma­spurs­mál hvenær gjald­þrota­hrina muni ganga yfir fyr­ir­tæki í ferða­þjón­ustu, í veit­inga­geir­anum og í verslun.

„Það er úti­lokað að öll fyr­ir­tæki í ferða­þjón­ustu lifi af þessar hremm­ingar og það sama á við um stærstan hluta versl­ana í mið­borg­inni, og eins fyr­ir­tækja sem hafa stólað á ferða­menn. Það er úti­lokað að þau lifi þetta öll af,“ segir Andrés Magn­ús­son, fram­kvæmda­stjóri Samtaka versl­unar og þjón­ustu.

Fyr­ir­tæki hafa brugð­ist við ástand­inu með upp­sögnum og með því að nýta hluta­bóta­úr­ræði rík­is­stjórn­ar­innar. Atvinnu­leysi í mars­mán­uði mæld­ist 9,2 pró­sent, en hafði verið 5 pró­sent í febr­úar. Atvinnu­leysi fór vax­andi eftir því sem á mars leið, einkum eftir að lög um hluta­bóta­leið tóku gildi. …