Helga Vala Helga­dóttir, þing­maður Sam­fylk­ing­ar­innar, kallar eftir því að fjöl­miðlar verði styrktir sér­stak­lega í næsta aðgerð­ar­pakka rík­is­stjórn­ar­innar. Bendir hún á að geir­inn geti ekki nýtt sér margar af þeim leiðum sem hafi verið kynntar, til dæmis það að senda fólk í hluta­starf, á sama tíma og aug­lýs­inga­tekjur drag­ast saman.

Fjöl­miðla­frum­varp Lilju Alfreðs­dóttur, mennta- og menn­ing­ar­mála­ráð­herra, er enn óaf­greitt á Alþingi, en því var ætlað var að styðja við einka­rekna fjöl­miðla. Í grein í Morg­un­blað­inu í dag skrifar Helga Vala að stjórn og stjórn­ar­and­staða séu sam­mála um að bregð­ast við heims­far­aldr­inum með efna­hags­legum aðgerðum. Nefnir hún hluta­starfa­leið­ina sér­stak­lega, en segir að fleira þurfi að koma til í næsta pakka rík­is­stjórn­ar­innar.

„Einn er sá rekstur sem enga athygli hefur fengið þegar kemur að stuðn­ingi stjórn­valda en getur lítið stuðst við þær leiðir sem þegar hafa verið sam­þykktar,“ skrifar Helga Vala. „Fjöl­miðlar eru hreint ekki að glíma við verk­efna­skort þessa dag­ana heldur er þvert á móti stöðug krafa sam­fé­lags­ins um reglu­legar fréttir af ástand­inu, krafa um almennar fréttir og síð­ast en ekki síst er mikil krafa um ýmiss konar afþrey­ing­ar­efni til að hafa ofan af fyrir okkur, börnum okkar og ung­mennum í sam­komu­banni.“

Helga Vala segir fjöl­miðla hafa svarað því kalli með breyt­ingum á dag­skrá sinni og miðlum. „Upp­lýs­ing­arnar flæða til okkar sem og skemmti-, kennslu- og afþrey­ing­ar­efni. Fjöl­miðla­fólk hleypur hraðar en nokkru sinni á sama tíma og aug­ljós hætta steðjar að vinnu­veit­endum þess. Aug­lýs­inga­tekjur fjöl­miðla hafa hríð­fallið eftir komu Covid og sam­komu­banns í kjöl­farið. Fjöl­miðlar geta ekki nýtt sér þær leiðir sem stjórn­völd hafa boðið upp á því það er jú ekki hægt að fresta bara greiðslum eða senda starfs­fólk í hluta­starf,“ skrifar hún.

„Í lýð­ræð­is­þjóð­fé­lagi gegna fjöl­miðlar algjöru lyk­il­hlut­verki og vil ég því skora á rík­is­stjórn­ina að huga vel að útfærslu á því með hvaða hætti eigi að veita þeim stuðn­ing í næsta pakka sem kynntur verður. Það er ekki hægt að taka ákvörðun um styrk­veit­ingar til fjöl­miðla í sumar eða haust því slíkt verður að ger­ast núna. Það hafa nágranna­lönd okkar gert og ég skora á rík­is­stjórn að bregð­ast við áður en tjón verður.“