Vefritið Smáspeki samanstendur af myndmáli, örtextum og æfingum sem þær Sigríður Þorgeirsdóttir heimspekiprófessor og Katrín Ólína, vöruhönnuður og grafískur listamaður, hafa sett saman í því markmiði að virkja hugsun og vekja vitund. „Okkur finnst heimspeki svo skemmtileg og allir geta fílósóferað. Við vildum fá fleiri á flug með okkur og þannig kom Smáspekin til. Við köllum það Minisophy á ensku en nafnið vísar til philosophia, eða heimspeki sem ástar á visku. Þetta er Smáspeki formsins vegna því textar og myndir eru á smáu formi,“ útskýrir Katrín Ólína, sem segir það heilmikla kúnst að kjarna spurningu eða álitamál á meitlaðan og skiljanlegan hátt. Þær vinni þó markvisst með smáformið, þar sem fólk hafi lítinn tíma og áunna skerta athyglisgáfu. Því sé lag að miðla efni í stuttu máli. Smáspekina má bæði lesa á íslensku og ensku og henni er safnað saman eftir þemum á vefsíðunni www.minisophy.com. Þá er hún jafnframt bæði …