Metfjöldi smita á einum degi frá upphafi faraldurs

123. Svo mörg voru smitin af kór­ónu­veirunni inn­an­lands í gær. Samkvæmt fyrstu tölum í morgun voru þau 82 en á upp­lýs­inga­fundi almanna­varna og land­læknis kom svo fram að vegna álags hefði ekki verið búið að greina öll þau 4.000 sýni sem tekin voru í gær. Og nú er talan ljós: 123.

Þetta er met­fjöldi á einum degi frá upp­hafi far­ald­urs­ins. Þann 24. mars í fyrra greindust 106 smit og urðu þau ekki fleiri á einum degi í fyrstu bylgju far­ald­urs­ins.

Í þriðju bylgj­unni síð­asta haust urðu þau flest 100 tals­ins þann 5. októ­ber.

Staðan er þó önnur nú hvað alvar­leg veik­indi varðar. 24. mars lágu sautján sjúk­lingar á sjúkra­húsi með COVID-19 og tveir á gjör­gæslu. Sá fjöldi jókst mikið dag­ana á eftir og 2. apríl lágu 44 á sjúkra­húsi og 12 á gjör­gæslu.

Í dag liggja þrír á legu­deildum Land­spít­al­ans með COVID-19. Yfir 700 manns eru í eft­ir­liti á COVID-göngu­deild­inni, þar af á átt­unda tug barna.