Lára Ómars yfirgefur RÚV og gerist samskiptastjóri fjárfestingafélags

Lára Ómars­dóttir, frétta­maður Rík­is­út­varps­ins, sem að und­an­förnu hefur starfað í frétta­skýr­ing­ar­þætt­inum Kveik, hefur verið ráðin sam­skipta­stjóri fjár­fest­inga­fé­lags­ins Aztiq Fund. Frá þessu er greint í frétta­til­kynn­ingu frá félag­inu.

Fram kemur í til­kynn­ing­unni að Aztiq Fund hafi verið virkur lang­tíma­fjár­festir hér­lendis og erlendis, meðal ann­ars í fast­eignum, lyfja­iðn­aði, heilsu­efl­ingu og menn­ing­arauði. Á vef félags­ins kemur fram að stærstu eignir þess séu í Alvogen, Alvotech og fast­eigna­fé­lag­inu Sæmundi.

Árni Harð­ar­son, aðstoð­ar­for­stjóri Alvogen, sem einnig er stjórn­ar­maður í Aztiq Fund, segir sanna ánægju að fá Láru til starfa.

„Með því stígum við mik­il­vægt skref í þá átt að sam­eina fjár­fest­ingar eig­enda undir einum hatti og skapa þannig öfl­ugt fjár­fest­inga­fé­lag sem mun verða virkur þátt­tak­andi í upp­bygg­ingu atvinnu­lífs og auð­ugs sam­fé­lags á Íslandi. Ég er sann­færður um að víð­tæk reynsla Láru af fjöl­miðlum muni nýt­ast í vit­und­ar­upp­bygg­ingu félags­ins og í sam­skiptum við hag­að­ila,“ er haft eftir Árna í til­kynn­ing­unni.

[adspot]

Þar segir að hlut­verk Láru verði að halda utan um sam­skipti við meðal ann­arra yfir­völd, fjöl­miðla og fjár­festa og byggja upp vit­und á fyr­ir­tæk­inu. „Hún mun einnig taka virkan þátt í að móta stefnu félags­ins til fram­tíðar, en félagið hyggur á frek­ari fjár­fest­ingar hér­lendis og erlendis sem og að stækka fjár­festa­hóp­inn, sem nú þegar sam­anstendur af öfl­ugum íslenskum og erlendum ein­stak­lingum sem og alþjóð­legum fjár­fest­ing­ar­sjóðum,“ segir í til­kynn­ing­unni frá Aztiq Fund.

Lára hefur lengi starfað sem frétta­maður og dag­skrár­gerð­ar­kona bæði í útvarpi og sjón­varpi. Hún lauk B.ed gráðu í íslensku og stærð­fræði árið 2004, en áður starf­aði hún meðal ann­ars sem inn­kaupa­stjóri og sem fram­kvæmda­stjóri knatt­spyrnu­fé­lags. Hún hefur skrifað eina bók, Hagsýni og ham­ingja.