Lífeyrissjóðir hvattir til að kaupa ekki gjaldeyri næstu þrjá mánuði

Lands­sam­tök líf­eyr­is­sjóða hafa sent frá sér hvatn­ingu til allra líf­eyr­is­sjóða lands­ins til að halda að sér höndum um gjald­eyr­is­kaup á næstu þremur mán­uðum. „Þykir mik­il­vægt að sjóð­irnir leggi sitt af mörkum við að styðja við íslenskt sam­fé­lag og stuðla þannig að stöð­ug­leika þegar gefur á bát­inn.“

Þetta kemur fram í til­kynn­ingu sem for­maður stjórnar Lands­sam­tak­ana, Guðrún Haf­steins­dóttir, skrifar undir og var send í kjöl­far fundar með Ásgeiri Jónssyni seðla­banka­stjóra í dag þar sem fjallað var um þá óvissu sem eru nú til staðar í efna­hags­málum Íslands.

Í til­kynn­ing­unni segir enn fremur að mik­ill við­skipta­af­gangur síð­ustu ára hafi gefið líf­eyr­is­sjóðum lands­ins svig­rúm til þess að fjár­festa erlendis og ná fram áhættu­dreif­ingu í eigna­safni sínu. „Í ljósi þess að útflutn­ings­tekjur lands­ins munu fyr­ir­sjá­an­lega drag­ast saman tíma­bundið telja Lands­sam­tök líf­eyr­is­sjóða það eðli­legt að líf­eyr­is­sjóðir standi ekki að gjald­eyr­is­kaupum á næstu mán­uðum. Sjóð­irnir eru í eigu almenn­ings og því mik­il­vægt að þeir sýni ríka sam­fé­lags­lega ábyrgð þegar kemur til fjár­fest­inga og við­bragða í okkar sam­fé­lagi á óvissu­tímum.“

[adspot]Eignir líf­eyr­is­sjóða lands­ins námu 5.006 millj­örðum króna í lok jan­úar síð­ast­lið­ins. Þar af voru erlendar eignir 1.509 millj­arðar króna, eða 30 pró­sent af eignum þeirra.

Viðbúið er að eigna­safn líf­eyr­is­sjóð­anna, hvort sem er hér heima eða erlendis, muni taka á sig mikla lækkun vegna þeirra áhrifa sem útbreiðsla veirunnar sem veldur COVID-19 er að valda á efna­hags­kerfi heims­ins, en stór hluti eigna þeirra eru mark­aðs­verð­bréf. Allir mark­aðir hafa lækkað mikið síð­ustu daga og vikur.

Íslenska krónan hefur veikst hratt á þessu ári, sér­stak­lega síð­ast­liðnar vikur, þar sem útflæði á fjár­munum er mun meira en inn­flæði, aðal­lega vegna þess að ferða­menn eru ekki lengur að skila þjón­ustu­tekjum inn í hag­kerfið. Krónan hefur alls veikst um 9,8 pró­sent gagn­vart evru síð­ast­lið­inn mánuð og 6,37 pró­sent gagn­vart Banda­ríkja­dal.