Fangi á stofnun

Fangar eru lok­aðir inni á Hólms­heiði, þeim og öðrum til varnar. Þar á sér stað upp­byggi­legt starf til betr­unar.

Heim­il­is­menn á dval­ar­heim­ilum aldr­aðra eru einnig lok­aðir inni á sinni stofnun. Mega ekki fá heim­sóknir og ekki fara út, eitt eða í fylgd. Öllu betr­un­ar­starfi var umsvifa­laust hætt. Bjór­klúbbur 5-6 kalla í klukku­tíma á föstu­dögum var nú orð­inn lífs­hættu­legur. Á sama tíma borðum við saman í mat­salnum innan um starfs­menn sem fara frjálsir ferða sinna á milli vakta. Sauma-, föndur og aðrir klúbbar eru auð­vitað jafn hættu­legir og slegnir af.

[adspot]Það að tak­marka heim­sóknir getur verið nauð­syn á þessum síð­ustu og verstu en allt innra starf ætti að efla. Þó ekki væri nema til að dreifa huga heim­il­is­manna frá þeirri ógn sem að okkur stafar og klifað er á öllum stundum í fjöl­miðlum.

Eflum allt innra starf sem við getum en hættum því ekki.

Ég vil alla­vega drep­ast bros­andi með drykk í hönd frekar en bíð­andi stjarfur eftir kór­ónu­veirunni, sem kannski kemur.

Njótum lífs­ins, það er núna 😊

Höfundur er for­maður MND félags­ins á Íslandi.