Félagið K2B fjárfestingar ehf., sem var þriðji stærsti eigandi tryggingafélagsins VÍS með 7,25 prósent hlut, hefur selt allt hlutafé sitt í félaginu fyrir tæplega 1,6 milljarð króna. Eigandi félagsins er Svanhildur Nanna Vigfúsdóttir og Guðmundur Örn Þórðarson.
[links]Svanhildur Nanna hefur setið í stjórn VÍS og var um tíma stjórnarformaður félagsins, en vék úr því sæti í fyrra þegar greint var frá því að hjónin væru til rannsóknar hjá embætti héraðssaksóknara fyrir meint umboðssvik, meint skattsvik, möguleg mútubrot og brot á lögum um peningaþvætti þegar olíufélagið Skeljungur og tengd félög voru keypt og seld á árunum 2008 til 2013. Við brotunum getur legið allt að sex ára fangelsisvist.
Samkvæmt heimildum Kjarnans er það mál enn í rannsókn þótt hún sé langt komin. Því má búast við því að ákvörðun um hvort að gefin verði út ákæra í málinu verði tekin í nánustu framtíð.
[adspot]K2B fjárfestingar ehf. er einnig á meðal stærstu eigenda Kviku banka, en félagið á 6,86 prósent í honum. Guðmundur situr í stjórn Kviku í krafti þess eignarhlutar. Auk þess á félagið hlut í Kortaþjónustunni.
Eignir K2B fjárfestinga voru alls tæplega 3,7 milljarðar króna um síðustu áramót. Langtímaskuldir þess voru engar og eigið fé því sama upphæð.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir