Jón Gunnarsson, þingmaður Sjálfstæðisflokks, hefur verið kjörinn nýr ritari flokksins á flokksráðs- og formannafundi hans sem fram fór á hotel Nordica í dag. Hann hlaut 52,9 prósent atkvæða.
Áslaug Hulda Jónsdóttir, formaður bæjarráðs Garðabæjar, og Jón voru í framboð í embættið. Hún hlaut 45,88 prósent atkvæða. Jón fékk alls 135 atkvæði á móti 117 atkvæðum Áslaugar. Aðrir hlutu færri atkvæði.
[adspot]Áslaug Arna Sigurbjörnsdóttir hafði gegnt embættinu undanfarin tæp fjögur ár en hún var tók við sem dómsmálaráðherra á föstudag fyrir viku og mátti þá ekki lengur vera ritari Sjálfstæðisflokksins. Því þurfti að kjósa nýjan.
Jón verður 63 ára eftir nokkra daga, þann 21. september. Hann hefur verið þingmaður suðvesturkjördæmis frá árinu 2007. Jón var samgöngu- og sveitarstjórnarráðherra árið 2017 í nokkra mánuði á meðan að skammlíf ríkisstjórn Bjarna Benediktssonar, sem samanstóð af Sjálfstæðisflokki, Viðreisn og Bjartri framtíð, sat að völdum.
Hann hefur undanfarið gegnt formennsku í umhverfis- og samgöngunefnd.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir