Allt flug hjá WOW air hefur verið stöðvað. Í tilkynningu frá WOW air segir að félagið sé á „lokametrunum“ með að klára fjárfestingu og fá nýjan eigendahóp að félaginu.
„WOW air er á lokametrunum að klára hlutafjáraukningu við nýjan eigendahóp á félaginu. Allt flug hefur verið stöðvað þangað til þeir samningar verða kláraðir. Nánari upplýsingar verða gefnar kl. 9. Félagið þakkar farþegum fyrir stuðninginn og biðst velvirðingar á þeim óþægindum sem þetta veldur.“
Undanfarnar vikur hafa forsvarsmenn WOW air reynt að bjarga félaginu frá gjaldþroti, en kröfuhafar tóku það yfir á mánudag, að mestu leyti, en síðan þá hefur verið unnið að því með ráðgjöfum að fá nýja eigendur að félaginu.
Fjárhagsstaða WOW air er í molum, eins og fram hefur komið, og þarf félagið á milljarða fjárinnspýtingu að halda til að geta orðið starfhæft til framtíðar. Rætt hefur verið um 40 milljónir Bandaríkjadala, eða um 5 milljarða króna, í þeim efnum, en ekki er útilokað að það þurfi hærri fjárhæðir til þess að tryggja rekstur félagsins.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir