Vísitala leiguverðs á höfuðborgarsvæðinu hækkaði um 2,9 prósent í ágúst samkvæmt nýbirtum tölum Þjóðskrár Íslands, en á sama tíma lækkaði húsnæðisverð um 0,1 prósent.
Frá því að mælingar hófust hefur hækkun leiguverðs umfram hækkun íbúðaverðs aldrei verið meiri milli mánaða, en íbúðaverð lækkaði um 0,1% í ágústmánuði.
Þetta kemur fram í umfjöllun Íbúðalánasjóðs um stöðuna á leigumarkaði.
Árshækkun leiguverðs, samkvæmt þinglýstum leigusamningum, mælist nú 8,8 prósent og hækkar frá fyrri mánuði þegar hún mældist 8,3 prósent. Til samanburðar þá er árshækkun íbúðaverðs í ágúst 4,1 prósent og hefur hún ekki mælst jafn lág síðan í maí 2011.
Það sem helst heldur lífi í hækkun fasteignaverðs þessi misserin er innkoma nýrra íbúða á markað, en þær eru margar hverjar með allt að 20 prósent hærra fermetraverði heldur en eldri íbúðir.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir