Ræddu um stjórnmálaástandið á Íslandi og mál Hauks Hilmarssonar

Katrín Jak­obs­dóttir for­sæt­is­ráð­herra fund­aði í dag með Angelu Merkel, kansl­ara Þýska­lands. Á þeim fundi ræddu þær meðal ann­ars útgöngu Breta úr Evr­ópu­sam­band­inu, stjórn­mála­á­standið á Íslandi og mál Hauks Hilm­ars­sonar.

Í til­kynn­ingu frá for­sæt­is­ráðu­neyt­inu segir að þær hafi einnig rætt sam­skipti þjóð­anna, stöðu stjórn­mála í Þýska­landi nú þegar ný rík­is­stjórn hefur tekið við og ýmis mál­efni á alþjóða­vett­vangi. „Fjölluðu þær m.a. um mann­rétt­inda­mál, jafn­rétti kynj­anna, mál­efni flótta­fólks og hæl­is­leit­enda, varn­ar­mál, umhverf­is­mál, mál­efni norð­ur­skauts­ins, menn­ing­ar­mál­efni og áhuga Þjóð­verja á Íslandi, sem m.a. end­ur­spegl­ast í fjölda þýskra ferða­manna hér á landi.“

Katrín segir að fund­ur­inn hafi verið gagn­legur. „Það er mik­il­vægt fyrir okkur Íslend­inga að rækta okkar góðu sam­skipti við Þýska­land á tímum áskor­ana og breyt­inga á alþjóða­vett­vangi.“