Björgólfur Jóhannsson, forstjóri Icelandair Group, og Bogi Nils Bogason, framkvæmdastjóri fjármála hjá félaginu, hafa í dag keypt hlutabréf í því fyrir tæplega 18 milljónir króna. Björgólfur keypti bréf fyrir 7,2 milljónir króna og á nú 1,9 milljónir hluta í félaginu. Markaðsvirði þeirra hluta er nú um 27,2 milljónir króna. Bogi keypti hluti fyrir samtals um 10,6 milljónir króna. Þetta kemur fram í tilkynningum sem Icelandair Group sendi Kauphöll Íslands í dag um viðskipti fruminnherja.
Hlutabréf Icelandair Group hafa verið mikið til umfjöllunar á þessu ári, en virði þeirra hefur hrunið undanfarna mánuði. Mesta lækkunin varð eftir að félagið sendi frá sér kolsvarta afkomuviðvörun í febrúar sem kom markaðnum mikið á óvart. Alls hefur verð á hlut farið úr því að vera 38,9 krónur í apríl 2016 í 14,4 krónur í dag. Markaðsvirði félagsins hefur því dregist saman um helming. Það er nú um 69 milljarðar króna.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir