Netflix Inc. framkvæmdi sína fyrsta yfirtöku á mánudaginn, en streymisveitan tók yfir rekstur myndasöguútgefandans Millarworld. Þetta kemur fram í tilkynningu fyrirtækisins.
Millarworld, sem er í eigu rithöfundarins Mark Millar, hefur staðið að baki mörgum myndasögum, en þekktastar þeirra eru „Kick-Ass“ og „Kingsman.“ Samkvæmt frétt Reuters eru þessar tvær sögur þó undanþegnar yfirtökunni, en allar aðrar myndasögur útgefandans munu fylgja með auk þess sem fleiri verði framleiddar fyrir streymisveituna.
[adspot]
Yfirtakan er keimlík kaupum Disney á ofurhetjuvörumerkið Marvel Studios árið 2009, en Ted Sarandos, yfirmaður útgáfu Netflix, líkti Mark Millar við Stan Lee, manninn á bak við „Spider-Man,“ „Avengers“ og „X-Men.“
Með yfirtökunni er steymisveitan að færa sig að auknum krafti inn á markað ofurhetjumynda-og þátta, en margar þáttaraðir úr smiðju Marvel, líkt og „Jessica Jones,“ „Luke Cage“ og „Daredevil,“ hafa notið mikilla vinsælda á Netflix.
Fyrstu viðbrögð fjárfesta við yfirtökunni virtust nokkuð góð, en í kjölfar fréttatilkynningarinnar hækkaði hlutabréfavirði Netflix um 1% um tíma á mánudaginn.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir