Ógnar netofbeldi gegn konum og stúlkum framtíð okkar allra?

Þann 8. júlí 2017 stóð Gina Martin, þá 25 ára, ásamt systur sinni í steikj­andi hita í Hyde Park í London og beið í ofvæni eftir að upp­á­halds hljóm­sveit þeirra, The Killers, byrj­aði að spila. Tveir menn gáfu sig á tal við þær og eftir stutt spjall fengu syst­urnar óþægi­lega til­finn­ingu af þeim, þeir voru ágengir og mældu þær út frá toppi til táar. Annar þeirra nudd­aði sér upp við Ginu og stuttu seinna heyrði hún hann hlæja um leið og hann sýndi félaga sínum mynd í sím­anum. Gina þekkti myndefnið alltof vel og varð ljóst að á ein­hverjum tíma­punkti hafði mað­ur­inn laumað sím­anum undir pilsið hennar og tekið mynd. Hún reif sím­ann af mann­inum, sem varð ógn­andi og heimt­aði að fá sím­ann til­baka. Þegar hún neit­aði tók hann um axlir hennar og hrinti henni. Einhver sagði: „Hlauptu!“ og Gina tók á rás. Hún hljóp eins og hún ætti lífið að leysa með mann­inn á hæl­unum og nam ekki staðar fyrr en hún sá hóp örygg­is­varða. Þeir slógu skjald­borg utan um hana og vörðu hana fyrir mann­inum, sem reyndi að brjót­ast í gegn og æpti hástöfum að hann hefði ekki tekið neina mynd af henni. Tveir lög­reglu­þjónar mættu á svæðið innan skamms og eftir að hafa skoðað mynd­ina til­kynntu þeir Ginu að í ljósi þess að hún var í nær­buxum (sem að hennar sögn voru efn­islitlar og huldu í raun ekki mikið) gætu þeir ekk­ert gert fyrir hana. Henni var allri lokið þegar hún átt­aði sig á því að það að ráð­ast inn í frið­helgi kvenna, ljós­mynda kyn­færa­svæði þeirra án leyfis og svipta þær þar með sjálfs­á­kvörð­un­ar­rétt­inum yfir eigin lík­ama, væri í raun leyfi­legt. Maðurinn hafði ekki brotið nein lög.