Fylgi Framsóknar sveiflast ekki eftir endurkomu Sigmundar Davíðs

„„Í dag er Fram­sókn­ar­flokk­ur­inn búinn að vera meira og minna í kringum tíu pró­sentin. Munum það að þegar Sig­mundur vék frá og fór í sitt leyfi datt það niður í sex eða sjö pró­sent en er komið aftur upp.“

Er það þá ekki Sigurður Ingi Jóhanns­son for­sæt­is­ráð­herra sem hefur byggt það upp aftur?

„Eða að Sig­mundur er kom­inn aftur.““

Þetta hér að ofan voru orða­skipti í föstu­dags­við­tali Frétta­blaðs­ins síð­ast­lið­inn föstu­dag, á milli Gunnars Braga Sveins­sonar, sjáv­ar­út­vegs- og land­bún­að­ar­ráð­herra, og blaða­manns. Kjarninn ákvað að kanna hvort sú full­yrð­ing Gunnars Braga, að fylgi Fram­sókn­ar­flokks­ins hafi auk­ist við end­ur­komu Sig­mundar Davíðs, á við rök að styðj­ast.

Atburða­rásin sem varð til þess að Sig­mundur Davíð Gunn­laugs­son sagði af sér sem for­sæt­is­ráð­herra náði hámarki í byrjun apríl. Sunnu­dags­kvöldið 3. apríl var sýndur sér­stakur Kast­ljóss­þáttur um Panama­skjölin, þar sem greint var frá eign­ar­haldi Sig­mundar Davíðs og Önnu Sig­ur­laugar Páls­dóttur á félag­inu Wintris. Stærstu mót­mæli Íslands­sög­unnar fylgdu í kjöl­far þátt­ar­ins og 5. apríl var til­kynnt að Sig­mundur Davíð hefði ákveðið að segja af sér for­sæt­is­ráð­herra­emb­ætt­inu. 7. apríl tók síðan rík­is­stjórn Sigurðar Inga Jóhanns­sonar við af rík­is­stjórn Sig­mundar Davíðs. Degi síðar, föstu­dag­inn 8. apríl hélt Sig­mundur Davíð sína síð­ustu ræðu í þing­inu.

[adspot]

Það var svo þann 25. júlí sem Sig­mundur Davíð sendi bréf á flokks­menn í Fram­sókn­ar­flokknum og til­kynnti um vænt­an­lega end­ur­komu sína í stjórn­málin. „Á næst­unni mun ég því aftur hefja fulla þát­töku í stjórn­mála­bar­átt­unni. Það mun vekja við­brögð. Látið það ekki slá ykkur út af lag­inu.“

Fylgi Framsóknar frá uppljóstrunum

MMR og Gallup gera flestar skoð­ana­kann­anir á fylgi flokka. Bæði fyr­ir­tæki gerðu kann­anir strax fyrstu dag­ana eftir Pana­ma­upp­ljóstr­an­irnar. Samkvæmt könn­unum MMR fór fylgi Fram­sókn­ar­flokks­ins úr 12,4% um miðjan mars niður í 8,7% 6.apríl. Fylgið hafði hins vegar strax farið upp í 11,5% í lok apríl og var á milli 9,2 og 11,4 pró­sent fram í byrjun júlí. Þá tók fylgið dýfu niður í 6,4 pró­sent, og fór svo upp í 8,3 pró­sent þann 22. júlí. Það var nokkrum dögum áður en Sig­mundur Davíð til­kynnti um end­ur­komu sína. Eina könn­unin sem gerð hefur verið hjá MMR eftir að Sig­mundur Davíð steig aftur inn í stjórn­málin var í lok ágúst, og sýndi 10,6% stuðn­ing við Fram­sókn­ar­flokks­ins.

Þegar kann­anir Gallup eru skoð­aðar sést að fylgi Fram­sókn­ar­flokks­ins tók dýfu skömmu eftir að Sig­mundur Davíð hafði sagt af sér, og fór niður í 6,9 pró­sent. Það var hins vegar strax komið upp í 10,5 pró­sent í lok apríl og hefur síðan þá ekki farið niður fyrir níu pró­sent.

Með því að skoða kosn­inga­spá Kjarnans og Baldurs Héð­ins­sonar stærð­fræð­ings fæst ein besta myndin af skoð­ana­könn­unum, þar sem teknar eru saman skoð­ana­kann­anir og þeim gefið vægi eftir því hversu næmur könn­un­ar­að­il­inn og aðferðir hans eru. Samkvæmt kosn­inga­spánni hefur fylgi Fram­sókn­ar­flokks­ins í raun sveifl­ast lítið á tíma­bil­inu, frá því að það lækk­aði úr 12,3 pró­sentum þann 1. apríl niður í 9,3 pró­sent þann 7. apríl og svo 8,8 pró­sent 13. apríl. Síðan þá hefur það verið á bil­inu 8,5 til 10,3 pró­sent.

Niðurstaða Staðreyndavaktarinnar

Sjá má af þessum fylgiskönn­unum að fylgi Fram­sókn­ar­flokks­ins minnk­aði strax í kjöl­far Wintris-máls­ins en jókst aðeins á nýjan leik eftir að Sigurður Ingi Jóhanns­son tók við. Það hefur svo verið upp og niður, en hvergi er að finna neinar óvenju­legar sveiflur eftir að Sig­mundur Davíð snéri aftur í stjórn­málin. Þaðan af síður að fylgið hafi verið fast í 6-7 pró­sentum en hafi farið upp í 10 pró­sent stöðug eftir að hann kom aftur.

Það er því nið­ur­staða Stað­reynda­vakt­ar­innar að Gunnar Bragi fari með fleipur.

Ertu með ábend­ingu fyrir Stað­reynda­vakt Kjarnans? Sendu hana á stadreyndavaktin@kjarninn.is.