Segja Hvalárvirkjun munu rýra víðerni Ófeigsfjarðarheiðar um nær helming

Mann­virki Hval­ár­virkj­unar myndu rýra víð­erni Ófeigs­fjarð­ar­heiðar um 45 til 48,5 pró­sent, að mati vís­inda­manna við háskól­ann í Leeds. Þetta kemur fram í til­kynn­ingu frá Nátt­úru­vernd­ar­sam­tök­unum ÓFEIG, sem barist hafa gegn virkj­un­inni.

Samtökin fengu rann­sókn­ar­setrið Wildland Research Institute (WRi) við háskól­ann í Leeds til að kort­leggja víð­ernin síð­ast­liðið sumar. Að sögn þeirra notar setrið nákvæmar staf­rænar aðferðir til að kort­leggja og skil­greina víð­erndi.

„Nið­ur­staða grein­ing­ar­innar tekur af öll tví­mæli um að áform um Hval­ár­virkjun hafa veru­lega nei­kvæð áhrif á heild­stæða víð­er­na­upp­lifun Ófeigs­fjarð­ar­heiðar og næsta nágrennis,“ segir í til­kynn­ingu frá sam­tök­unum.

Fram kemur að skerð­ingin fælist í aðkomu­vegum fyrir þunga­vinnu­vélar, öðrum nýjum vegum, stíflum, yfir­föllum, lón­stæðum, skurðum, raf­línum og stöðv­ar­húsi. Þá kæmi einnig til minnk­andi rennsli í Rjúkandi, Hvalá og Eyvind­ar­fjarð­ará ásamt sam­svar­andi áhrifum á fossa á svæð­inu. Áhrifin á foss­ana eru hins vegar ekki tekin með í mæl­ingum WRi. 

„Þeir dr. Stephen Carver og Oliver Kenyon hjá WRi kynntu nið­ur­stöðu rann­sókn­ar­innar á fundi ÓFEIGAR nátt­úru­verndar í dag,“ segir í til­kynn­ing­unni. „Í máli þeirra kom fram að kort­lagn­ing víð­ern­anna bygg­ist á grein­ingu á staf­rænum þrí­víðum landupp­lýs­inga­gögnum, land­notkun, fjar­lægð frá mann­virkjum og aðgangs­stöðum vél­knú­inna far­ar­tækja. Gögnin eru notuð til að greina með mik­illi nákvæmni sýni­leika mann­virkja sem geta haft áhrif á víð­er­na­upp­lifun. WRi hefur þróað for­rit til þess­arar grein­ingar sem byggir á svip­uðum aðferðum og for­rit tölvu­leikja.“