Forstjóri Straums hættir: „Hef upplifað bæði súra tíma og sæta“

Jakob Ásmunds­son mun láta af störfum sem for­stjóri Straums fjár­fest­ing­ar­banka eftir að sam­ein­ing­ar­ferli við MP banka lýkur. Sam­komu­lag hefur verið gert um starfs­lok hans en hann hefur starfað hjá bank­anum í tíu ár, fyrst sem fram­kvæmda­stjóri og síð­ustu tvö ár sem for­stjóri.

„Ég tók á sínum tíma þátt í stofnun Straums og hef upp­lifað bæði súra tíma og sæta með bank­anum,“ segir Jakob í til­kynn­ingu sem send var fjöl­miðlum. „Ég hef lengi verið sann­færður um að eðli­legt væri að styrkja stöðu bank­ans með ytri vexti. Kaup Straums á ráð­andi hlut í Íslenskum verð­bréfum og stórum hlut í MP banka voru liður í und­ir­bún­ingi þess sam­runa sem nú er framundan. Sam­ein­aður banki mun hafa mikið afl, meðal ann­ars vegna sterkrar stöðu ÍV á eigna­stýr­ing­ar­mark­aði. Fyrir vikið tel ég fjöl­mörg sókn­ar­færi framundan. Hins vegar hef ég frá upp­hafi talið það betra að hafa einn for­stjóra í stafni bank­ans en ekki tvo. Þess vegna kýs ég að stíga til hliðar á þessum tíma­mótum og óska ég bæði sam­starfs­fólki mínu í Straumi og starfs­fólki og stjórn sam­ein­aðs banka alls hins besta.“

Til stóð að Sigurður Atli Jónsson, for­stjóri MP banka, og Jakob myndu í sam­ein­ingu stýra sam­ein­uðum banka. Stefnt er að því að nýr banki taki til starfa í haust undir nýju nafni. Hlut­hafar bank­anna munu kjósa um sam­run­ann þann 22. júní næst­kom­andi en Sam­keppn­is­eft­ir­litið hefur þegar heim­ilað sam­runa bank­anna tveggja.