Bára Hall­dórs­dóttir afhjúpaði í fyrra alþing­is­menn sem ræddu um hrossa­kaup á emb­ætt­is­stöðum og töl­uðu með van­virð­andi hætti um hinsegin fólk, konur og fatl­aða. Bára, sem er sjálf fötluð hinsegin kona, þurfti að gjalda fyrir upp­ljóstr­un­ina með heilsu sinni og fjár­hag. Sótt hefur verið hart að henni og hún þurft að verj­ast í dóm­sal. 

Drag-Súgur er stærsti drag­hópur Íslands. Bjarni Ósk­ars­son er með­eig­andi og við­skipta­stjóri hóps­ins. Hann segir að Bára hafi haft sam­band þegar hóp­fjár­mögnun hófst fyrir málsvarn­ar­sjóði í gegnum Karolina Fund, til að athuga hvort hóp­ur­inn gæti lagt henni lið. Bjarni svar­aði því sam­stundis ját­andi. „Við elskum Báru og eigum henni mikið að þakka. Við veltum því fyrir okkur og ákváðum að halda sýn­ingu henni til heið­urs. Hún á allt gott skilið fyrir það sem hún gerði, en hún hefur orðið fyrir fjár­hags- og heilsutjóni vegna máls­ins. …