Ég held það sé í raun alltaf mikil breyting að flytja í fyrsta sinn af æskuheimilinu. Sérstaklega fyrir mig þar sem ég hef nánast sofið til fóta hjá tvíburasystur minni frá því ég fæddist. Það eru líka ákveðin viðbrigði að flytja í annað hverfi. Nú labba ég til dæmis í vinnuna, keyri nánast ekki neitt og kaupi minn eigin klósettpappír. Það er svona mesta breytingin við að flytja að heiman, en þrátt fyrir það finn ég tvíburasystur mína oft á sófanum heima hjá mér. Annað sem hefur mótað mig einna mest á lífsleiðinni er að hafa starfað á leikskóla. Ef það væri launað eins og að vinna á veitingastað þá væri ég eflaust ennþá í því. Mér fannst það alveg sjúklega gefandi og skemmtilegt starf. Sérstaklega sem dóttir leikskólakennara, þá fannst mér það ótrúlega leiðinlegt að þurfa fara úr starfi bara vegna þess að mig langaði að kaupa mér íbúð, en ekki af því því mér fannst starfið leiðinlegt eða ég hefði ekki áhuga á því. Það er eitthvað sem mér finnst að allir ættu að taka til sín.