Vladímir Pútín valinn maður ársins í Rússlandi fimmtánda árið í röð

Forseti Rúss­lands, Vladímir Pútín, hefur verið val­inn maður árs­ins í Rúss­landi, fimmt­ánda árið í röð, í sjálf­stæðri könnun Public Opinion Foundation. Breska blaðið Independent gerði nið­ur­stöð­una að umtals­efni í umfjöllun sinni. Töluvert hefur verið gert úr þess­ari nið­ur­stöðu á hverju ári, und­an­farin fimmtán ár, þó að umfang könn­un­ar­innar sé veru­lega lítið í hlut­falli við íbúa­fjölda í Rúss­landi, en ríf­lega 143 millj­ónir manna búa í land­inu. Könnun náði til 1.500 manns í 43 héröðum lands­ins.

Óhætt er að segja að nið­ur­staðan komi fram á frekar slæmum tíma fyrir Pútín. Efna­hagur Rúss­lands er fall­valtur eftir stjórn­laust fall rúblunnar fyrr í vik­unni, sem meðal ann­ars er rakið til skarprar lækk­unar á olíu­verði. Frá því í júlí hefur verð á olíu fallið um meira en 40 pró­sent, sem hefur komið illa við olíu­iðn­að­inn í Rúss­landi. Seðla­banki Rúss­lands hefur reynt af veikum mætti að sporna gegn falli rúblunnar, meðal ann­ars með því að hækka stýri­vexti úr 10,5 í 17 pró­sent.

Drum roll ple­ase: Russia's man of the year for the 15th time in a row is... http://t.co/p8AiVtYySX pic.twitter.com/B2P9j7AH7D

— The Independent (@Independent) December 17, 2014