Mikil lækkun á heimsmarkaðsverði á olíu gerir það að verkum að íslensk fyrirtæki, fyrirtæki og útgerðir spara sér á annan tug milljarða króna í eldsneytiskostnað á ári. Þetta er haft eftir Sigurði Inga Friðleifssyni, forstöðumanni efnahagssviðs Samtaka atvinnulífsins, í Morgunblaðinu í dag.
Þar kemur einnig fram að lækkun olíuverðs geti haft áhrif til lækkunar á verðbólgu, sem er nú þegar undir neðri vikmörkum Seðlabanka Íslands. Í blaðinu segir Ásdís Kristjánsdóttir, forstöðumaður efnahagssviðs Samtaka atvinnulífsins: „Ef verðbólgan gengur áfram niður mun hann [Seðlabanki Íslands] þurfa að bregðast við með frekari vaxtalækkun til þess eins að viðhalda aðhaldsstígi peningastefnunnar eins og það stendur í dag“.
[caption id="attachment_14027" align="alignnone" width="1024"] Olíuverð hefur hríðfallið frá því í sumar.[/caption]
Vandræði Rússa smitast yfir á Ísland
Á forsíðufrétt Fréttablaðsins er sýnd önnur og neikvæðari mynd af falli olíuverðsins. Það ríki sem hefur orðið efnahagslega hvað harðast fyrir barðinu á því er Rússland. Þar í landi voru stýrivextir hækkaðir úr 10,5 prósent í 17 prósent á mánudag eftir mikið fall rúblunnar samhliða lækkandi olíuverði daganna á undan. Hækkunin hafði engin áhrif og gjaldmiðlahrun Rússa hefur haldið áfram. Rúblan hefur fallið um helming gagnvart bandaríkjadal það sem af er þessu ári.
Í Fréttablaðinu er greint frá því að rússnesk fyrirtæki skuldi íslenskum fiskútflytjendum þrjá til fimm milljarða króna fyrir uppsjávarfisk sem þau hafi fengið, en ekki greitt fyrir. Íslenskir fiskútflytjendur hafa stöðvað útflutning til Rússlands í kjölfar falls rúblunnar og eru nokkrir þeirra að kanna að gefa afslátt af skuldum sínum til að geta fengið greitt.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir