Rússnesk herflugvél olli næstum árekstri við farþegaþotu yfir Svíþjóð

Litlu mun­aði að rúss­nesk her­flug­vél, sem hafði slökkt á sendum til að forð­ast að sjást á rat­sjá, ylli árekstri við far­þega­þotu yfir Svíþjóð á föstu­dag­inn. Sam­bæri­legt atvik átti sér stað yfir Svíþjóð í mars­mán­uði síð­ast­lið­inum, og því hefur rúss­neski her­inn tvisvar verið nálægt því að valda hörmu­legu stór­slysi. Frétta­mið­ill­inn Guardian greinir frá mál­inu. Í fyrra til­vik­inu voru innan við hund­rað metrar á milli far­þega­þotu SAS flug­fé­lags­ins og rúss­neskrar her­flug­vélar, sem sömu­leiðis hafði slökkt á sendum sínum.

Atvikið á föstu­dag­inn átti sér stað yfir suð­ur­hluta Sví­þjóðar, en far­þega­þotan hafði tekið á loft frá Kaup­manna­höfn. Fjöl­miðlar í Svíþjóð og Danmörku segja að far­þega­þotan hafi verið á leið til Póllands, en hvorki hefur fengið stað­fest frá hvaða flug­fé­lagi hún var né hversu margir far­þegar voru um borð.

Sænsk her­mála­yf­ir­völd segja að Rúss­arnir hafi slökkt á sendum flug­vél­ar­innar til að sjást ekki á rat­sjá, og sænskar her­þotur sem sendar voru á vett­vang hafi stað­fest að um rúss­neska njósn­a­flug­vél hafi verið að ræða.

„Þetta er alvar­legt og óvið­eig­andi. Það er stór­hættu­legt þegar menn slökkva svona á sendum,“ sagði Peter Hultquist, varn­ar­mála­ráð­herra Sví­þjóðar í útvarps­við­tali þar í landi, að því er fram kemur í umfjöllun Guardian um málið.

Emb­ætt­is­menn við varna­mála­ráðu­neyti Rúss­lands vildu ekki tjá sig við Guardian í gær, þegar eftir því var leitað.

Á síð­ustu mán­uðum hafa Rússar aukið hern­að­ar­leg umsvif sín í Eystr­ar­salti, og hafa sumir sænskir emb­ætt­is­menn líkt aðgerð­unum við þær sem tíðk­uð­ust í kalda stríð­inu. Í októ­ber varð uppi fótur og fit í Svíþjóð þegar sást til kaf­báts fyrir utan skerja­garð­inn við Stokk­hólm. Margir ótt­uð­ust að þar hefði verið á ferð rúss­neskur kaf­bátur, en þrátt fyrir umfangs­mikla leit fannst kaf­bát­ur­inn aldrei, og aldrei hefur verið gefið út opin­ber­lega hverrar þjóðar hann var.