El Clasico: Ekkert toppar sólun á marklínu hjá Maradona

Í dag fer fram stór­leikur Barcelona og Real Madrid, El Clasico, á Bernabeu heima­velli Real Madrid. Barcelona er efst í La Liga á Spáni, með 22 stig eftir átta leiki, hefur unnið sjö og gert eitt jafn­tefli. Marka­talan segir sína sögu um hvernig liðið hefur verið að spila; 22-0. And­stæð­ingum Barcelona hefur ekki enn tek­ist að skora gegn lið­inu í deild­inni, og hafa sókn­ar­menn liðs­ins farið ham­förum, ekki síst snill­ing­ur­inn Lionel Messi og brasil­íski fram­herj­inn Neymar.

Real Madrid er í þriðja sæti deild­ar­innar með 18 stig, hefur unnið sex en tapað tveimur. Í síð­ustu leikjum hefur liðið verið frá­bært með Cristiano Ronaldo fremstan í flokki. Hann er búinn að skora 15 mörk í fyrstu átta leikjum í deild­inni og hefur verið því sem næst óstöðv­andi. Óhætt er að segja að mikil eft­ir­vænt­ing ríki fyrir leik­inn, ekki síst þar sem Luis Suarez snýr aftur úr leik­banni í leiknum.

Mörg glæsi­leg mörk hafa verið skoruð í viður­eignum þess­ara liða í gegnum tíð­ina. Kjarninn tók saman lista yfir fimm glæsi­leg El Clasico mörk.

1. Lionel Messi, 2006/2007. Ótrúleg þrenna Lionel Messi í leiknum er sögu­leg. Síðasta markið var sér­lega glæsi­legt. Enginn leik­maður hefur skorað meira í El Clasico, 21 mark. Eiður Smári Guðjohn­sen var í fremstu víg­línu í þessu sögu­lega leik, þegar Messi sýndi heims­byggð­inni að hann væri eng­inn venju­legur 19 ára gutti.

https://www.youtube.com/watch?v=LJENMuDLN4A

1. Lionel Messi 2010/2011. Á þessum tíma var Messi, kannski líkt og Ronaldo nú, nán­ast óstöðv­andi. Hann tók leik­inn gegn Real Madrid í sínar hendur og sól­aði í gegnum vörn­ina, og lagði bolt­ann snyrti­lega neðst í mark­hornið.

https://www.youtube.com/watch?v=UXtiWLPbXIM

1. Cristiano Ronaldo 2011/2012. Stór­kost­legt skalla­mark hjá Ronaldo í úrslita­leik Copa Del Rey. Enginn kemst með tærnar þar sem Ronaldo hefur hæl­ana þegar kemur að sköllum. Magnað mark.

https://www.youtube.com/watch?v=_BZFzuAO0fQ

1. Dani Alvez 2012/2013. Stór­kost­legt lang­skot hjá þessum magn­aða bak­verði. Minnir mann á það hversu glóru­laust það var hjá Scolari fyrr­ver­andi lands­liðs­þjálf­ara Brasilíu að taka hann út úr lið­inu á HM í sumar, án þess að Brasilía hefði verið búið að tapa leik með hann inn­an­borðs, og setja hinn langtum verri Maicon inn í liðið í stað­inn.

https://www.youtube.com/watch?v=9d7MPyxKYrI

1. Diego Maradona 1983/1984. Það kann að vera að það hafi verið skoruð fal­legri mörk í El Clasico. En þetta veður þó að telj­ast með ótrú­legri mörkum. Maradona var ekki beint laus við sjálfs­traust sem leik­maður, og ákveður í þessu marki að leika á varn­ar­mann­inn Chendo á marklín­unni, og senda hann á fullri ferð með klofið á stöng­ina, áður en bolt­anum er rennt inn fyrir lín­una. Síðan hleypur hann hlæj­andi í burtu. Á Bernebeau. Í El Clasico! Svona gera menn nú frekar á æfingum.

https://www.youtube.com/watch?v=oAQhbQ_EXhk

Leikur Barcelona og Real Madrid hefst klukkan 16:00 í dag.