Fílabeinsströndin er mesta kakóbaunaframleiðsluland heimsins, og Ebólu-veiran í Afríku er þegar farinn að hafa víðtæk áhrif á framleiðsluna í landinu, en súkkulaði er sem kunnugt er unnið úr baunum. Yfirvöld hafa ákveðið að loka landamærunum að Líberíu og Gíneu en þar fer um gríðarlegt magn af kakóbaunum, sem selt er inn á alþjóðamarkaði.
Um 20 milljónir manna búa í Fílabeinsströndinni en ekki hefur enná komið upp eitt einasta Ebólu-tilfelli í landinu. Yfirvöld eru þó uggandi og telja að það sé aðeins tímaspursmál hvenær fyrsta Ebólu-smitið kemur upp. Alþjóðasamtök Kakóframleiðenda (The World Cocoa Foundation) eru þegar farin að fylgjast náið með gangi máli, og eru stærstu hagsmunaðilarnir í greininni, svo sem Nestlé, Mars og fleiri, farin að teikna upp sviðsmyndir af því ef stórkostlega dregur úr framboði á mörkuðum, með þeim afleiðingum að verð þýtur upp.
Líklega er töluvert í að neytendur, þar með talið á Íslandi, finni fyrir þessum áhrifum. Og þó. Hlutirnir geta gerst hratt þegar óútreiknanlegir atburðir eru annars vegar.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir